Nokkur spennan er innan Sýnar eftir að hópur fjárfesta undir stjórn Jóns Skaftasonar lögfræðings keypti hlut Heiðars Guðjónssonar forstjóra í félaginu. Heiðar hætti og seldi vegna heilsubrests sem hann hefur glímt við síðan í haust og Jón greip tækifærið. Fullyrt er að Jón og félagar hans í Gavia Invest hyggist gjörbylta félaginu og taka reksturinn föstum tökum. Jón mun sækjast eftir stjórnarformennsku eða jafnvel starfi forstjóra og er tilbúinn með hnífinn.
Fjölmiðlahlutinn og ekki síst rekstur Stöðvar 2 hefur reynst félaginu þungur í skauti. Þar er fréttastofan baggi. Það flýgur fyrir að ný stjórn, sem kjörin verður á væntanlegum hluthafafundi, muni skera fjölmiðlahlutann frá og jafnvel selja hann. Það gæt þýtt endalok fréttastofu Stöðvar 2 sem hefur ekki verið svipur hjá sjón síðan Þórhallur Gunnarsson dagskrárstjóri tók hana úr opinni dagskrá.
Auk þess að Heiðar selur þá hefur athafnamaðurinn Róbert Wessman selt sinn hlut og er farinn. Fjárfestar hafa mikla trú á nýjum stjórnendum því gengi félagsins í Kauphöllinni hefur ekki verið hærra síðan árið 2018 …
Athugasemdir