Mál Páls Steingrímssonar, skipstjóra og skæruliða Samherja, tekur á sig hinar ólíklegustu myndir. Páll var rændur síma sínum á sjúkrabeði og upplýsingar sem sýndu skipulagða rógsherferð Samherjamanna á hendur Helga Seljan fréttamanni og fleirum litu dagsins ljós. Í meðförum Páleyjar Borgþórsdóttur, lögreglustjóra á Akureyri, hefur málið þróast í þá veru að rannsaka hvorti fjölmiðlafólk undir forystu Þóru Arnórsdóttur, ritstjóra Kveiks, hafi staðið að byrlun og þjófnaði símans. Páll Vilhjálmsson, sögukennari Fjölbrautarskólans Í Garðabæ, hefur bloggað um málið og látið í ljósi að hann búi yfir upplýsingum innan úr rannsókninni. Hann fullyrðir að Þóra Arnórsdóttir hafi hafi margsinnis hringt í „andlega“ veika fyrrverandi eiginkonu Páls, sem hafi stolið símanum og komið til fjölmiðlamanna.
„Gögn lögreglu sýna yfir 20 símtöl Þóru og byrlara Páls skipstjóra á tímabilinu sem yfirheyrslur fóru fram yfir fimm sakborningum,“ skrifar Páll sögukennari og segir að lögreglan hafi hlustað. Hann sætir nú lögsókn Þórðar Snæs Júlíussonar, ritstjóra Kjarnans, fyrir að hafa opinberlega ásakað ritstjórann um glæp. Páll gefur til kynna í færslu sinni í dag að fjölmiðlafólkið sé á leið í fangelsi og Þóra reyni umfram allt að fela sannleikann …
Athugasemdir