Síðan Vladimir Putin Rússlandsforseti tilkynnti í gær að tekin yrði upp herskylda í Rússlandi hafa brotist út mótmæli víða um landið, sem yfirvöld hafa haft í fullu fangi með að berja á bak aftur.
Samkvæmt rússneska vefmiðlinum Medusa.io var Molotov-sprengjum hent í borgarstjórnarbyggingu í Tolyatti borg á Samarasvæðinu í Rússlandi. Kviknaði lítill eldur við innganginn. Hefur miðillinn þetta eftir vefmiðlinum Nesluhi.info í Samara.
Stjórnvöld í Tolyatti-borg staðfestu íkveikjuna við fjölmiðla og sögðu lögregluna rannsaka málið.
Þá sagði vefmiðillinn NN.ru frá því að í gærkvöldi hafi ledur kviknað í byggingu herforingjastjórnar í Nizhny Novgorod borg. Samkvæmt miðlinum kviknaði í tannlæknastofu ráðningamiðstöðvarinnar en var ekki mikill. Var Molotov kokteili einni beitt í þeirri árás.
Síðan Rússar réðust inn í Úkraínu hefur verið tilkynnt um meira en 12 íkveikjutilraunir á ráðningamiðstöðvar hersins á rússneskum hverfum, þar á meðal í Voronezh, Nizhnevartovsk, Ivanovo, Moscow, Ryazan, og Sverdlovsk.
Saksóknari Moskvuborgar hefur hótað mótmælendum og þeim sem hvetja til mótmæla, stjórnsýsluviðurlögum, þar á meðal fangelsisvistar í allt að 15 ár.
Samkvæmt talningu OVD-Info´s hafa að minnsta kosti 1.322 manns í 40 rússneskum borgum verið handteknir í mótmælum gegn herkvaðningunni.
Athugasemdir