Einhver umdeidasta skipun ráðherra á síðari tímum var þegar Bjarni Bendiktsson, formaður Sjálfstæðisflokksins, gerði Jón Gunnarsson að dómsmálaráðherra, tímabundið. Jón þykir vera í senn fylginn sér og ósvífinn í málflutningi. Þegar Jón tók við ráðuneytinu var afráðið að Hreinn Loftsson, aðstoðarmaður fyrrverandi dómsmálaráðherra, yrði áfram í því starfi. Það stóð þó stutt því Jón ráðherra réði Brynjar Níelsson, fallinn þingmann, einnig sem aðstoðarmann. Örfáum dögum seinna var Hreini nóg boðið og hann hætti sem aðstoðarmaður. Honum hafði ekki hugnast félagsskapurinn.
Bæði Jón og Brynjar eru gríðarlega umdeildir. Brynjar er sannkallaður strigakjaftur og einstaklega hnyttinn. Hann fer gjarnan leiðir sem þykja vafasamar. Nýlegt dæmi um fund með Namibíumönnum sem vildu að sögn ræða Samherjamál er dæmi um slíkt. Brynjar fundaði með þeim en sagðist hafa skilið málið þannig að þetta hefði verið fólk í skemmtiferð. Jóni ráðherra verður skipt út í vetur og Guðrún Hafsteinsdóttir alþingismaður tekur við. Einhverjir telja að siðvæðing muni fylgja þeim umskiptum sem jafnframt leiða til þess að Brynjar missir vinnuna. Líklegt er þó að flokkurinn haldi honum áfram á fóðrum …
Athugasemdir