Jón Baldvin Hannibalsson, fyrrverandi ráðherra, á ekki sjö dagana sæla. Stundin birti í liðinni viku ítarlegar dagbókarfærslur 15 ára stúlku í Hagaskóla sem lýstu sambandi hennar og kennara síns., Jóns Baldvins. Ingibjörg Sólrún Gísladóttir, fyrrverandi samherji hans, birti í gær færslu á Facebook þar sem hún fordæmdi hegðun hans og líkti aðferðum hans við athæfi rándýrs. „Jón Baldvin Hannibalsson ekki meir, ekki meir,“ kveðst hún hafa hugsað eftir lesturinn. Þetta eru þung orð frá stjórnmálamanni og samherja. Ingibjörg Sólrún sagðist í framhaldinu hafa lesið frásagnir þeirra 23 kvenna sem lýst hafa áreitni hans eða misnotkun og þar hafi hún séð sama mynstrið við að ná trausti þeirra. Jafnframt rifjar hún að hafa beðið hann að víkja úr heiðurssæti Samfylkingar árið 2007.
„Ég ræddi í trúnaði við JBH og bað hann að segja sig frá heiðurssæti á lista Samfylkingarinnar í Reykjavík fyrir þingkosningarnar vorið 2007. Hann varð við þessari ósk minni en í stað þess að láta þar við sitja og sýna svolitla iðrun og hugarangur vegna framferðis síns fór hann rakleiðis í Silfur Egils og vældi yfir því að ég hefði hafnað honum í heiðurssætið á pólitískum forsendum“
Jón Baldvin svaraði Stundinni með því að lýsa ásökunum sem lið í að fá hann dæmdan í „rassastrokumálinu“ sem tekið verður í fyrir Landsrétti á næstunni …
Athugasemdir