Ný skýrsla komin út – Hans Niemann svindlaði í 100 netskákum – Myndband

Vondi karl­inn í skák­heim­inum, Hans Niemann hefur verið sak­aður um svindl á stór­mótum und­an­farið en heims­meist­ar­inn sjálfur, Magnus Carlson sak­aði hann um að hafa svindlað þegar hann sigr­aði hinn nán­ast ósigr­andi Carlson, í síð­asta mán­uði. Nú er komin út skýrsla um net­skákir hans og hún er nokkuð svört.

Játaði sök

Chess.com skilað nýverið 72 blað­síðna skýrslu um Niemann en sér­fræð­ingar rann­sök­uðu fjöldi skáka sem hinn 19 ára Banda­ríkja­maður hefur leikið á hinni þekkta skák­síðu en Niemann hefur skot­ist grun­sam­lega hratt upp á styrk­leika­listum. Komust sér­fræð­ing­arnir að þeirri nið­ur­stöðu að lík­lega hafi hann svindlað í mun fleiri ein­vígum en áður var talið eða um 100 tals­ins, í sumum til­fellum þar sem háar pen­inga­upp­hæðir voru í verð­laun. Hann hafði játað að hafa svindlað einu sinni þegar hann var 12 ára og aftur þegar hann var 19 ára, með hjálp skák­tölva. Í skýrsl­unni kemur fram að Niemann hafi játað fyrir þeim að hafa svindlað og hefur hann strax verið settur í bann um óákveð­inn tíma. Ekki tóku skýrslu­höf­undar afstöðu til skák­ein­víga sem Niemann átti í raun­heimum en töldu þó að það þyrfti að rann­saka þau ein­vígi nánar, í ljósi nið­ur­stöðu skýrsl­unnar.

En hvernig getur hann hafa svindlað á móti Carlsen?

Kenn­ing­arnar um það hvernig hann gæti hafa svindlað á móti heims­meist­ar­anum eru margs­konar.

Sú fyndn­asta er sjálf­sagt sú að hann hafi not­ast við raf­knúna bossainns­tungu sem ein­hver félagi hans hefur svo notað til að gefa honum merki um næstu leiki. Niemann hefur sagt að hann sé til­bú­inn að tefla nak­inn til að sanna að hann er ekki með nein tæki inn­an­klæða en bossainnstungur eru einmitt ekki inn­an­klæða.

Önnur kenn­ing snýr að því að hann hafi átt sér vit­orðs­mann í áhorf­enda­salnum sem hafi not­ast við skák­tölvu og gefið Niemann merki um næstu leiki.

Þá er einnig mögu­leiki á að ein­hver úr teymi Carlson hafi lekið leikjaplani heims­meist­ar­ans en miðað við við­brögð Carlson virð­ist það ólík­legt. 

Hvort og þá hvernig Niemann svindl­aði kemur von­andi í ljós en þangað til heldur skák­heim­ur­inn áfram að klóra sér í hausnum og blóta honum í hljóði.

Hér má sjá örygg­is­vörð á nýlegu skák­móti skanna Niemann. Athugið að hann skannar sér­stak­lega rass­inn.