Jón Gunnarsson dómsmálaráðherra hefur farið mikinn undanfarið í málum tengdum útlendingum. Hann á sér þann blauta draum að útiloka sem flesta flóttamenn og aðra útlendinga frá því að koma til lands alsnægtanna. Þannig hefur hann haldið því fram að stjórnleysi ríki í landinu vegna þess fjölda sem streymi hömlulaust inn í landið og ógni þar með samfélaginu. Katrín Jakobsdóttir forsætisráðherra hefur þvertekið fyrir þetta og segir ástandið viðunandi. Þá segir Jón að Schengen-samstarfið sé í hættu vegna ástandsins. Sú staðhæfing hefur einnig verið rekin ofan í hann aftur.
Síðasta uppákoma ráðherrans er að hann vill fá að vera áfram ráðherra, ef marka má yfirlýsingu hans á Hringbraut. Gefið var út við upphaf kjörtímabilsins að Guðrún Hafsteinsdóttir, fyrsti þingmaður Sjálfstæðisflokksins í Suðurkjördæmi, tæki við embættti hans um áramót eða á útmánuðum. Nú spyrnir hann við fótum. Guðrún sagði við Fréttablaðið að hún tæki við ráðherraembætti á tilsettum tíma, annað væri svik við kjósendur …
Athugasemdir