Tónlistarmaðurinn Pétur Örn Guðmundsson hefur verið útilokaður frá flestum verkefnum frá því að Elísabet Ormslev söngkona greindi frá því að hún hefði átt í ástarsambandi við hann. Hún var 16 ára og hann 38 ára. Elísbet sagði frá því að Pétur hefði setið um heimili sittt eftur að sambandinu lauk.
Eftir að viðtalið birtist fyrir níu mánuðum var Pétur rekinn úr hljómsveitunum Buff og Dúndurfréttum og hvarf algjörlega úr sviðsljósinu. Í vikunni dúkkaði hann síðan upp á samfélagsmiðlum er hann þakkaði fyrir afmæliskveðjur. Þá rigndi yfir hann haturspóstum og honum var sagt að „rotna í helvíti“ og halda sig í kjallaraholunni sinni.
Pétur birti sjálfur skilaboðin og spurði hvort líf hins útskúfaða virkilega að vera svona. Óhætt er að segja að þögnin sem hjúpað hefur tónlistarmanninn hafi verið rofin með miklum hvelli um helgina. Samfélagsmiðlar hafa hreinlega logað.
Kærasti Elísabetar, Sindri Þór Kárason, segist undanfarið hafa fengið á sig ásakanir frá aðstandendum Péturs Arnar Guðmundssonar söngvara sem oft er kallaður Pétur Jesús. Í færslu á Facebook segir Sindri Þór frá áreiti og ásökunum sem hann hefur orðið fyrir frá aðstandendum Péturs Arnar en kærasta Sindra, Elísabet Ormslev söngkona, er dóttir Helgu Möller söngkonu sem steig líka fram um helgina og varði tengdasoninn.
Um helgina ætlaði svo allt vitlaust að verða er geðlæknirinn Sæmundur Haraldsson, sem var giftur föðursystur Pétur, tjáði sig undir færslu tónlistarmannsins:
„Í fyrsta lagi fyrirfinnst engin kæra um ofbeldi i samskiptum Péturs og Elísabetar og hún var orðin lögráða (16 ára) og lögríða (samræðisaldur á Islandi er 15 ára, fyrir þann aldur er um pedofiliu að ræða). Hún var mjög ung þegar þau kynntust og hann fulltiða poppstjarna, hún ómótuð grúppía. Ég er fullviss um að þau Pétur hafi átt margar unaðsstundir saman þau 10 ár, sem þau voru saman, en svo fór að hann hitti aðra konu og hún hitti mann. Ásrsjúkur Pétur vildi nu ná tali af henni (stalking) klaufalega. Eftir einhliða yfirlysingu Elísabetar sem virðist sprottin úr hugmyndafræði metoo um að skila skömminni, þá er Pétur fordæmdur, missir lifsviðurværið og alls konar folk blindað af hatri virðist helst kalla yfir hann þjáningar og dauða. Og þar er ofbeldið enn þá grofara, ég er ekki viss um að miskunnarlaus ofbeldishefnigirni sé það sem Elisabet vill. Það er þung byrði að bera að hata aðra og vilja þeim allt illt.“
Eldri systir Elísabetar, Maggý Möller, gerir ummæli geðlæknisins að umtalsefni í samfélagi á Facebook, Lögfræðinördar. Þar spyr hún lögfróða um lagaskilning þegar kemur að samræðisaldri barna og ungmenna hér á landi. Þar birti hún skjáskot af ummælum geðlæknisins:
Athugasemdir