Kærasti Elísabetar Ormslev, Sindri Þór Kárason segist undanfarið hafa fengið á sig ásakanir frá aðstandendum Péturs Arnar Guðmundssonar söngvara sem oft er kallaður Pétur Jesús.
Í nýlegri færslu á Facebook segir Sindri Þór frá áreiti og ásökunum sem hann hefur orðið fyrir frá aðstandendum Péturs Arnar en kærasta Sindra, Elísabet Ormslev söngkona og dóttir Helgu Möller söngkonu, steig fram fyrr á árinu og sagði frá áralöngu eltihrellistilburðum Péturs Arnar en þau áttu í ástarsambandi þegar Elísabet var einungis 16 ára gömul en Pétur 38 ára. Að sögn Elísabetar tók hana tíu ár að losna algjörlega undan sambandinu sem einkenndist af ofbeldi og umsátur. Að hennar sögn notfærði Pétur sér ungan aldur Elísabetar sem auðveldaði honum að ná á henni valdi. Síðan Elísabet opnaði sig um málið hefur Pétur Örn verið útskúfaður úr íslensku tónlistarlífi og samfélagi en hann var rekinn úr hljómsveitunum Buff og Dúndurfréttum og hætti á öllum samfélagsmiðlum.
Sindri Þór skrifaði færslu á Facebook þar sem hann fer yfir stöðuna en Pétur Örn snéri til baka á Facebook þar sem hann kvartaði yfir ljótum skilaboðum sem honum barst. Segist Sindri hafa orðið fyrir áreiti og ásökunum frá fjölskyldumeðlimum Péturs Arnar en þau saki hann um að vera „hið umrædda nettröll sem sendi þessi skilaboð til hans.“ Helga Möller, tengdamóðir Sindra kallar Pétur Örn siðblindan og fárveikan í athugasemd við færsluna. Færslan er hér fyrir neðan í heild sinni:
„Ég hef ekkert tjáð mig um þetta mál á samfélagsmiðlum, nema auðvitað með lýstum stuðningi til konunnar minnar þegar þetta mál bar fyrst upp í febrúar á þessu ári.
Nú hafa ásökunum verið beint að mér frá hans nánasta fólki að ég sé hið umrædda nettröll sem sendi þessi skilaboð til hans.Eina sem þau hafa fyrir sér í þeim efnum er að ég er kærasti Elísabetar og ætli það henti þeim ekki að ég sé vondi kallinn (því það liti illa út fyrir Elísabetu?).Mér bárust skilaboð frá einum fjölskyldumeðlimi núna í fyrri nótt kl 03:08, youtube hlekk á lagið “Ráðið” með Bergþóru Árnadóttur. Fyrir þau sem ekki þekkja til þá fjallar lagið um sakfellingu saklaus manns.Standa þau þá í þeirri trú að hann hafi ekki átt í samráði við og tælt 16 ára barn? (hann byrjaði að reyna ná athygli hennar 15 ára n.b).Beitti hann hana ekki andlegu ofbeldi í fjölda ára? (hún hefur sýnt mér ógrynni af skjáskotum).Var hann ekki liggjandi á glugganum okkar í febrúar síðastliðinn þegar við vorum varla búin að koma okkur fyrir í nýrri íbúð og hvergi skráð á þetta heimilisfang? (Minni á að það er til myndband af manninum fyrir utan heimilið okkar).Í kjölfarið komu ásakanir um að ég stæði á bakvið skilaboðin sem honum bárust, sem ég neitaði og tjáði að mér þætti ósmekklegt.Ég hef lítinn áhuga á áreiti af þessu tagi og síst af öllu svona ásökunum. Svo skal ekki gleyma að umræddur maður er sérlegur sérfræðingur á “fake” aðgöngum til þess að fylgjast með konunni minni á samfélagsmiðlum, eftir að hún blockaði hann á öllum miðlum. Ég hvet ykkur (aðstandendur hans) að finna blóraböggul annars staðar.Eitt skal vera á hreinu að ef ég ætti eitthvað vantalað við þennan fullorðna mann þá mun ég ekki fela mig á bakvið “leyniaðgang”.“
Færslan vakti gríðarlega athygli og hundruðir líkuðu við hana og fjölmargir skrifuðu stuðningsskilaboð til Sindra Þórs. Ein af þeim var Helga Möller, móðir Elísabetar. Skrifaði hún: „Það var mikil gæfa að þú komst inn í líf dóttur minnar og fjölskyldunnar, Sindri minn.
Takk fyrir þinn stuðning og betri tengdason er ekki hægt að hugsa sér. Þessi fárveiki, siðblindi maður og fjölskylda hans, fær ekki tækifæri til að troða sér inn í hjörtun okkar en það væri óskandi að hans nánustu myndu aðstoða hann að leita sér hjálpar til að verða að betri manni.“
Athugasemdir