Furðulegt flöskuskeyti fannst í Flórída: „Við bættum við öðrum dollara ef Gordon fer langt“

Heldur óvenju­legt flösku­skeyti fannst á strönd­inni Key Colony í Flórída. Þegar hót­el­eig­and­inn Judi var að hreinsa rusl sem skolað hafði upp á strönd­ina rak hún augun í flösku. Við nán­ari athugun sá hún að í flösk­unni voru skila­boð, sandur og tveir banda­ríkja­dalir. Þannig hefst furðu­frétt sem deilt var á sam­fé­lags­miðl­inum Facebook.

Eftir að hafa lesið skila­boðin átt­aði Judi sig á að ekki væri um að ræða sand, heldur ösku. Skila­boðin í flösk­unni voru rituð af eig­in­konu manns sem hét Gordon og útskýr­ingu á hvernig hann hafi elskað að ferð­ast.

Í Banda­ríkj­unum er leyfi­legt að sleppa ösku lát­ins ætt­ingja til dæmis í veður eða sjó. Sú athöfn á að hjálpa aðstand­endum að sleppa tökum á þeim látna og leyfa þeim látna að halda ferða­lagi sínu áfram með vindi eða straumi.

Mynd / skjá­skot Facebook

Gordon bjó með konu sinni í Tennessee og lést árið 2012. Kona hans átti erfitt með and­látið og lang­aði að halda í minn­ingu hans svo hún setti ösk­una í flösku, ásamt pen­ingum og bón um að hringt væri í hana og henni til­kynnt hvar hann fynd­ist. Hún sendi skeytið af stað í mars 2012 frá Big Pine Key. Ein­hverju síðar fær hún sím­tal að skeytið hafi fund­ist í Isla­morada

Ferðalag flösku­skeyt­is­ins um eyj­arnar suður af Flórída

Judi hringdi í eig­in­kon­una í Tennessee sem var ánægðað vita af ferðum Gordons. Judi lét hana einnig vita að bætt hafi verið við smá pen­ing og ösku hans komið fyrir í romm­flösku til að auka við ánægj­una.

„Við bættum við öðrum doll­ara ef Gordon fer langt og þörf er á lang­línusím­tali. Við munum halda minn­ing­ar­at­höfn um líf hans á strönd­inni okkar síðar í dag áður en við sendum hann á leið aftur.“