Hinn 38 ára Casey King upplifði kynlíf í fyrsta skiptið eftir um 272 kílóa þyngdarmissi. Casey var 322 kíló þegar hann kom fram í þáttunum The Family By The Ton árið 2019. Hæsta þyngd sem hann hefur náð voru um 383 kíló, hann glímdi við ýmsa heilsukvilla og var ekki fær um að hugsa um sig sjálfur. Casey baðaði sig ekki enda komst hann ekki fyrir í hefðbundnum sturtum og baðkörum.
Casey ákvað að breyta lífi sínu til hins betra og fór í aðgerð þar sem magi hans var minnkaður, síðan þá hefur hann misst tæp 300 kíló. Í samtali við TMZ segir hann frá ástarlífi sínu. „Ég var ekki í neinum samskiptum við hitt kynið hér áður og missti sveindóminn 36 ára. Ég átti aldrei kærustu og hafði aldrei upplifað neins konar ástarlíf fyrr en fyrir rúmu ári síðan.“
„Þetta er ótrúlegt. Stelpur eru fallegar og lykta vel. Það er gott að kyssa þær, nándin er frábær. Ég var tilfinningalega sveltur alla mína ævi.“ Þrátt fyrir aukið sjálfstraust Casey segist hann enn finna fyrir óþægindum þegar hann afklæðist fyrir framan annað fólk, hann er með mikla aukahúð sem hann ætlar að láta fjarlægja. „Ég er ekki ennþá sáttur með líkama minn og stefni á að missa fleiri kíló.“
Athugasemdir