Diljá tók Álfinn með til Liverpool: „Hann verður lukkutröllið mitt“

Í til­efni af því að Álfa­salan hefst í þess­ari viku kom Diljá Pét­urs­dóttir við hjá SÁÁ og tók Álf í yfir­stærð með sér á Eurovision í Liverpool.

„Hann verður lukkutröllið mitt,“ segir Diljá. „Álfurinn boðar gæfu og gleði fyrir alla sem fá hjálp frá SÁÁ. Ég er viss um að þessir jákvæðu álfa­straumar fylgja mér upp á sviðið í Liverpool.“

Álfasala SÁÁ er ein mik­il­væg­asta fjár­öfl­un­ar­leið sam­tak­anna. Diljá segir að aldrei hafi verið jafn mikil þörf fyrir góðar und­ir­tektir við Álfinum og nú. „Það er nóg að fylgj­ast með fréttum til að sjá hvað það skiptir miklu máli að fólk fái aðstoð til að takast á við fíkn­sjúk­dóm­inn og eign­ast betra líf.“

Með­fylgj­andi er mynd sem Grímur Kol­beins­son tók af Diljá með Álfinn góða áður en hún hélt til Bítla­borg­ar­innar.

Álfasala SÁÁ stendur frá 10. til 14. maí og verður sölu­fólk á fjöl­förnum stöðum um allt land. Einnig verður tak­markað fram­boð af Álfum í yfir­stærð – lukkutröllum – til sölu hjá SÁÁ í Von, Efsta­leiti 7.