Baráttukonan Vítalía Lazereva, sem varð þjóðþekkt eftir að hafa opinberað samskipti sín við þjóðþekkta athafnamenn í heitum potti og á hótelherbergi í Borgarfirði, er í vanda. Sá umtalaði siðfræðingur, Stefán E. Stefánsson upplýsti í spjallþætti Morgunblaðsins að Vítalía væri sá starfsmaður Lyfju sem hefði flett upp einstaklingum í lyfjaskrá. Ekkert hefur verið staðfest í þessum efnum og Vítalía sjálf er þögul um ásökunina.
Lögreglan vísaði á dögunum frá kæru Vítalíu á hendur þeim Ara Edwald, Hreggviði Jónssyni og Þórði Má Jóhannessyni vegna meints áreitis í heita pottinum þar sem þeir voru naktir ásamt kærandanum. Eftir stendur að mennirnir hafa kært Vítalíu og ástmann hennar, Arnar Grant, fyrir tilraun til fjárkúgunar. Það mál hefur ekki verið útkljáð.
Vítalía sagði sögu sína um meint áreiti í þættinum Eigin konur. Auk þess að saka pottverjana um áreiti var Logi Bergmann Eiðsson borinn sökum um að hafa haft uppi kynferðislega tilburði á hótelherbergi. Hann missti vinnuna í framhaldinu eins og Ari Edwald sem var rekinn. Mál Loga hefur enn ekki verið útkljáð. Öll spjót standa á Vítalíu sem er í miklum vandræðum ef framburður Stefáns reynist vera réttur …
Athugasemdir