Aron Einar rifjar upp versta augnablikið á ferlinum: „Það var ekki sofið eina sekúndu þá nóttina“

Aron Einar Gunn­ars­son, fyr­ir­liði íslenska lands­liðs­ins var í við­tali í hlað­varps­þætt­inum Götu­strákar á dög­unum. Þar ræddi hann um fer­il­inn og fleira áhuga­vert.

Í liðnum „Hvað er“ spurðu Götu­strák­arnir fyr­ir­lið­ann spurn­inga sem byrj­uðu á hvað er … en þar var hann meðal ann­ars spurður út í versta augna­blikið og versta þjálf­ar­ann.

Hér er brot úr liðnum:

„Hvað er besta móment á ferl­inum?“

„Ætli það sé ekki þegar við komumst fyrst á EM. Ég held að það hafi verið ákveð­inn hápunktur. En það eru nokkur, að kom­ast upp í úrvals­deild en ég held að það sé ekk­ert meira special en að kom­ast á fyrsta stór­mótið með land­inu sínu. En svo er það Aust­ur­ríki og England, þetta eru geggj­aði leikir sem verða aldrei gleymdir held ég.“

„Hvað er versta mómentið á ferl­inum?“

„Versta móment? Vá. Ég held að það sé Króatía úti. Ég átti bara mjög lélegan leik. Þetta var fyrir HM 2014 í Brasilíu. Við vorum í playoffs þar og áttum góðan leik hér á heima­velli. Og þeir fengu rautt þarna úti. Þeir voru eitt núll yfir og okkur vant­aði bara eitt mark til að jafna og þá hefðum við farið áfram á úti­vall­ar­marki en við vorum bara skelfi­legir í þessum leik og þar á meðal ég sjálfur. Mér hefur aldrei liðið jafn illa á fót­bolta­ferl­inum inni í klefa eftir þann leik. Það er ekki oft sem mér er skipt út af en mér var skipt út af í þessum leik. En ég held samt að þetta hafi verið skrifað í skýin, við vorum ekki til­búnir. Ef við hefðum farið á HM í Brasilíu 2014 þá hefði bara verið valtað yfir okkur. Við vorum ekki ready sem lið.“

„Það hefur verið þungt and­rúms­loftið?“

„Þú getur rétt ímyndað þér það. Það var ekki sofið eina sek­úndu þá nótt­ina.“

„Hvað er mest óþol­andi þjálf­ari sem þú haft?“

„Auðveld spurnin, án þess að ég vilji henda honum eitt­hvað fyrir lest­ina. Við áttum bara ekki saman. Russell Slade heitir hann, hann var með mér í Cardiff. Þetta var tíma­bilið fyrir EM en ég var ekk­ert að spila, hann var bara með mig á bekknum sem er allt í góðu, maður tekur það ekki mikið inn á sig en hann var bara ekki honest. Ef ég verð þjálf­ari ætla ég alltaf að vera hrein­skil­inn því ég lærði svo mikið þessum tíma því hann var bara: „Já, þú spilar í næsta leik“, þetta var kortér í EM. Og ég ætl­aði að vera í leik­formi og klár fyrir stór­mótið. En svo horfði ég alltaf á star­t­ing elleven og þá var ég bara alltaf á bekknum og hugs­aði bara „Jesús kristur!“, þannig að þetta var gæi sem ég náði bara engan veg­inn saman við.“

Hægt er að sjá allt við­talið og meira til hér.