Sjónvarpsmaðurinn geðþekki,
Egill Helgason
, á sér dökka hlið sem gjarnan brýst fram á samfélagsmiðlum. Þessu fékk Skerjafjarskáldið
Kristján Hreinsson
að finna fyrir eftir að
Felix Bergsson
, starfsmaður RÚV, og fleiri snéru Faðirvorinu upp á andskotann og túlkuðu skrif Kristjáns sem aðför að transfólki þegar hann var í raun að gagnrýna alla þá sem hafa fordóma í garð minnihlutahópa. Felix leyfði sér að líkja skáldinu við dreggjar samfélagsins. Stjórnendur Háskóla Íslands ráku Kristján úr starfi eftir að skrif hans birtust á Facebook en hafa nú fengið annan skilning, iðrast og bjóða honum endurráðningu.
Guðmundur Andri Thorsson
, rithöfundur og fyrrverandi þingmaður, skrifaði færslu þegar hatursumræðan gegn skáldinu stóð sem hæst og fjallaði um Kristján og studdi málfrelsi hans við mikinn fögnuð nettrölla og annarra og sem klöppuðu honum lof í lófa. Egill Helgason lét til sín taka í kommentakerfinu með hreinum óhróðri.„Kristján Hreinsmögur eins og hann kallaði sig hefur alltaf verið á jaðrinum og í raun ekki notið viðurkenningar. Hann hefur engin völd og vettvangur hans er smár,“ sagði Egill og hélt svo áfram að smætta skáldið. „Hann er algjörlega laus við að vera í forréttindastöðu – hefur strögglað alla sína skáldævi sem er orðin býsna löng. Ég get ekki séð að það færi honum neitt sérstakt að vera hvítur, miðaldra og með kynfæri karlmanns. Og svo hitt – hvernig nennir fólk að elta ólar við skoðanir eins manns sem er ekkert sérlega þekktur, hefur lítil áhrif og kennir eitt agnarsmátt námskeið,“ skrifaði treglæs Egill sem sjálfur á umdeildan feril á myljandi launum við að koma viðhlæjendum og jábræðrum á framfæri. Menn velta fyrir sér hvort RÚV sýni viðbrögð við upphlaupi gullkálfa sinna og árásum …Greinin var uppfærð.
Athugasemdir