Ásmundur Einar Daðason, ráðherra barnamála, er í vanda vegna hlaðvarpsins sem frænkur hans halda úti um ættardeildur þeirra í Dalasýslu. Í hlaðvarpinu, Lömbin þagna ekki, er farið yfir áralangar deilur um jörðina Lambeyrar sem markast af átökum og óbeinu ofbeldi eftir að jörðin fór á uppboð og ráðherrann og faðir hans misstu hana. Ása Skúladóttir, frænka ráðherrans, fer fyrir hlaðvarpinu ásamt systrum sínum.
Óhætt er að segja að þær eru ansi kjarnyrtar í ásökununum sínum. Þar er því haldið fram að Ásmundur Einar hafi meðal annars brotist inn í hús á jörðinni. Þá er vísað til skemmdarverka á jörðinni svo sem stórfelldum skemmdum á túni.
Fyrstu tveir þættirnir af hlaðvarpinu hafa verið birtir og vonu er á fleirum. Ásmundur hefur verið nánast óumdeildur sem stjórnmálamaður. Hann hefur lyft grettisataki í málefnum tengdum börnum.
Ása skoraði á frænda sinn að mæta sér opinberlega og svara fyrir sín mál varðandi Lambeyrar. Hann hefur ekki svarað því en sendi frá sér yfirlýsingu þar sem hann neitar ásökunum systranna og segist vera alsaklaus og ekki hafa verið ákærður. Systurnar halda því fram að lögreglan hlífi honum og þess vegna sé ekkert gert varðandi skemmdarverkin. Ásmundur er augljóslega í klandri og ímyndarvanda vegna málsins …
Athugasemdir