Frænkur Ásmundar með hlaðvarp um ofbeldi: Ráðherrann og faðir hans sakaðir um innbrot og yfirgang

„Und­an­farin ár hefur fjöl­skyldan mín þurft að þola inn­brot, yfir­gang og stöðug skemmd­ar­verk upp á margar millj­ónir. Lög­reglan á Vest­ur­landi neitar að bregð­ast við og mál velkj­ast í kerf­inu í óeðli­lega langan tíma á meðan ofbeldið stig­magn­ast,“ segir Ása Skúla­dóttir, sem stofnað hefur hlað­varpið Lömbin þagna ekki ásamt tveimur systrum sínum þar sem fjallað er um ára­langar deilur innan fjöl­skyldu þeirra.

Jörðin skuldsett

Harðar fjöl­skyldu­deilur standa í Dala­byggð vegna umsvifa og gjörða Daða Ein­ars­sonar og sonar hans, Ásmundar Einars Daða­sonar ráð­herra. Deilt er um jörð­ina Lamb­eyrar sem var í eigu átta systk­ina, afkom­enda Einars Valdi­mars Ólafs­sonar.

Lamb­eyrar.

Jörðin fór á upp­boð eftir að Daði hafði skuld­sett eign­irnar upp í rjáfur. Í fram­haldi af upp­boð­inu leystu þrjú af fyrr­ver­andi eig­endum jörð­ina til sín og eru nú lög­legir eig­endur hennar. Síðan hefur ríkt stríðs­á­stand með mála­ferlum og kæru­málum. Ráð­herr­ann núver­andi er sak­aður um inn­brot í hús sem feðgarnir byggðu á sínum tíma á jörð­inni. Faðir hans er sak­aður um skemmd­ar­verk. Lögregla hefur verið kölluð til en aðhefst að sögn ekki.

Lömbin þagna ekki

Skúli Ein­ars­son, bróðir Daða, er eitt syskin­anna sem leystu til sín jörð­ina. Eftir að deilur hafa staðið árum saman ákváðu dætur hans að grípa til þess örþrifa­ráðs að stofna hlað­varp til þess að lýsa sinni hlið á mál­inu. Nafn hlað­varps­ins er Lömbin þagna ekki. Fyrsti þátt­ur­inn var sendur út í nótt. Syst­urnar þrjár rekja þar atburða­rás sem er vægt sagt mögnuð og hlaðin ógn­ar­við­burðum og áhuga­leysi yfir­valda. Lýst er inn­broti Ásmundar Einars í íbúð­ar­hús á jörð­inni. Þá segir frá því að hlassi af skít var sturtað við húsið. Ása segir að syst­urnar hafi ekki séð aðra leið færa en stofna hlað­varpið.

Ofsóknir

„Við syst­urnar sjáum okkur enga aðra leið færa en að koma fram á okkar eigin vett­vangi til að varpa ljósi á valda­mis­notkun og það gríð­ar­lega órétt­læti sem að fjöl­skyldan okkar hefur verið beitt.

Ása Skúla­dóttir stofn­aði hlað­varp með systrum sínum.

Það er okkar trú að þetta mál væri ekki svona stórt og þungt í kerf­inu ef að það væru ekki hátt­settir menn að vinna gegn okkur,“ segir Ása.

Hún segir að ósk systr­anna þriggja sé ein­ungis að sann­leik­ur­inn komi fram, skemmd­ar­verk og ofsóknir hætti, og að lög­reglan á Vest­ur­landi fari að sinna sínu lög­bundna starfi.

„Ofbeldi þrífst í þögn­inni og við erum bara þrjár venju­legar konur að berj­ast gegn órétt­læti með einu leið­inni sem við sjáum færa,“ segir hún.

Hér mæá finna þátt systr­anna.