Foreldrar byrjaðir að undirbúa haustið: „Skemmtilegasti hópurinn eru krakkarnir“

Að nýta hluti að fullu verður alltaf stærri og stærri bransi og eru föt ekki nein und­an­tekn­ing á því eins og má sjá með því að kíkja í Barna­lopp­una.

„Fólk er að kaupa allt sem börn­unum vantar fyrir haustið. Það eru kulda­föt, ull­ar­föt, flís­fatn­aður, utan­yf­ir­gallar, polla­föt, stíg­vél, kulda­skór og skóla­töskur. Í raun­inni bækur líka fyrir krakk­ana sem eru að byrja í skóla til að lesa heima og svo fram­vegis þannig að það er bara allt mögu­legt. Við nátt­úru­lega stjórnum því ekki hvað leigj­endur eru að selja en við sjáum það alveg að bækur og skóla­töskur selj­ast mjög vel á haustin,“ sagði Andri Jónsson, eig­andi Barna­lopp­unar, í sam­tali við Heim­ild­ina um málið.

Umhverf­is­vit­und er orðin tals­vert meiri en fyrir fáum árum síðan. Margir Íslend­ingar kaupa nán­ast ein­göngu notuð föt og spara þannig gríð­ar­lega mik­inn pen­ing.

„Þú getur alveg fengið kuldagalla hjá okkur sem er fínt merki og mjög vel með far­inn. Þá ertu kannski að fá hann á svona 40-50% afslætti miðað við ef þú myndi kaupa þér nýjan. En ef þig vantar kuldagalla og þér er alveg sama hvort að hann sé merkja­vara eða ekki, þá ertu kannski að fá 90-95% afslátt af vör­unni hjá okkur. Það munar alveg um það.“

„Skemmti­leg­asti hóp­ur­inn eru krakk­arnir. Börnin, og jafn­vel ung­ling­arnir, sem koma og eru að versla föt hjá okkur. Þau átta sig á því að hér er hægt að fá fín­ustu flíkur, leik­föng, bækur og dót á ein­hverju djók verði miðað við að fara og kaupa þetta ein­hvers staðar nýtt. Sér­stak­lega í ástand­inu sem er núna með þessa svaka­legu verð­bólgu og hækk­anir að þá hjálpar að versla hér,“ sagði Andri og segir að börnin átti sig á, líkt og full­orðna fólkið, að fötin séu ódýr­ari notuð og von­ast Andri líka til að umhverf­is­vit­und spili inn í krökk­unum enda sé mun meiri umhverf­is­fræðsla í skólum núna en áður.