Glímuskjálfti er kominn upp innan Samfylkingar eftir því sem fleiri kannanir undirstrika að flokkurinn er í stórsókn og mælist með hartnær þriðjungs fylgi á meðan höfuðóvinurinn, Sjálfstæðisflokkurinn, er auðmýktur og rétt sleikir 20 prósenta múrinn undir stjórn Bjarna Benediktssonar. Kristrúnu Frostadóttur er fyrst og fremst þakkað að flokkurinn fer nú með himinskautum. Hún er í stuði. Þá munar mikið um baráttujaxlinn Guðmund Árna Stefánsson, bæjarfulltrúa í Hafnarfirði, sem bíður þess að komast í ráðherrastól eftir að hafa um áratugaskeið starfað innan utanríkisþjónustunnar. Á næsta ári verða 30 ár síðan hann sagði af sér ráðherradómi og hvarf úr pólitík. Hann hefur lýst því yfir að flokkurinn sé tilbúinn í kosningar og ríkisstjórn. Afar líklegt er að hann verði leiðtogi flokksins í Reykjaneskjördæmi í komandi kosningabaráttu. Þá er talið að Jóhann Páll Jóhannsson, þingmaður og nánasti bandamaður Kristrúnar, muni sækjast eftir því að leiða lista í öðru Reykjavíkurkjördæminu og þannig sækja að Helgu Völu Helgadóttur alþingismanni. Þess utan er leitað að sterkum frambjóðendum um allt land til að gulltryggja árangurinn ..
Athugasemdir