Leyniþjónusta Úkraínu hefur handtekið konu sem handtekin var við það að koma njósnagögnum til Rússa en hún er sögð hafa verið hluti af áætlun um að ráða Volodomyr Zelenskyy, foresta Úkraínu, af dögum.
Ekki hafa verið borin kennsl á konuna að svo stöddu en hún mun hafa haft það á prjónunum að komast að því hvernig ferðum forsetans væri háttað er hann heimsótti borgina Mykolaiv í Júní í kjölfar flóða á svæðinu.
Leyniþjónustan heldur því fram að að konan hafi verið partur af áformum Rússa um að staðsetja hergögn og skotfærageymslur sem hægt væri að varpa sprengjum á en því mun hafa verið afstýrt þar sem konan þótti sýna af sér grunsamlegt athæfi sem fólst í ljósmyndun og myndskeiðatöku í kringum hernaðarmannvirki. Þetta leiddi til þess að útsendarar leyniþjónustunnar gátu veitt henni eftirför til að varpa ljósi á atferli hennar, stöðva afhendingu njósnagagna og komast að þeim verkefnum sem Rússar myndu fela henni.
Konan á yfir höfði sér allt að 12 árum í fangelsi fyrir athæfið.
Athugasemdir