Setti Prigozhin dauða sinn á svið? Fimm spurningar um meint andlát stríðsherrans

Sögu­sagnir eru á kreiki um meint and­lát Wagner-stjórn­and­ans Yevgeny Prigozhin er einka­flug­vél í hans eigu hrap­aði nærri Moskvu á föstu­dag­inn en allir inn­an­borðs, 10 manns, lét­ust. En var Prigozhin um borð?

Hinn bann­færði stríðs­herra er sagður einn af þeim látnu en margir telja hann hafa verið á svoköll­uðum „dráps­lista“ Vla­dimirs Putins Rúss­lands­for­seta, eftir að Prigozhin gerði mis­heppn­aða valda­ránstil­raun fyrir tveimur mán­uðum síðan. Telegram-rásir tengdar stríðs­herr­anum til­kynntu and­lát hans á föstu­dags­kvöld, stuttu eftir að fréttir bár­ust af flug­hrap­inu.

Hvað olli slysinu?

Vitni heyrðu mik­inn hvell áður en þau sáu flug­vél­ina „falla af himnum ofan“ með miklum eld­glær­ingum. Ljós­myndir sýndu brenn­andi flug­vélaflakið á akri í Tver-umdæm­inu en svartur reyk­ur­inn sást í margra kíló­metra fjar­lægð.

Rúss­neskir sam­fé­lags­miðlar eru fullir af vanga­veltum um að dýrt vín sem var um borð hafi í raun verið dul­búnar sprengjur á meðan aðrir telja að flug­vélin hafi verið skotin niður af rúss­neska hernum. Putin hefur ekki enn gefið út yfir­lýs­ingu um málið.

Prigozhin, 62 ára, rudd­ist í átt að Moskvu ásamt mála­liða­her sínum í júní, til þess eins og hætta valda­dránið þegar aðeins 200 kíló­metrar voru eftir og snúa við, til að „hlífa rúss­nesku blóði“. Eftir þetta fór hann í útlegð í Belarús og hefur látið lítið fyrir sér farað síðan.

Þrátt fyrir að rúss­neskir emb­ætt­is­menn hafi til­kynnt um dauða Prigozhin, eru ýmsum spurn­ingum enn ósvarað. Hér eru fimm þeirra:

Hverjir voru um borð í flugvélinni?

Rúss­neskir emb­ætt­is­menn segja að Prigozhin hafi verið meðal þeirra tíu látnu í flak­inu en Alrík­is­flug­mála­stofnun Rúss­lands birti lista með nöfnum þeirra sem taldir hafa lát­ist í flug­vél­inni.

Hægri hönd Prigoszhin, Dmitry Utkin er einnig sagður meðal hinna látnu en hann er einn af stofn­endum Wagner-hóps­ins. Þá er Valeriy Chekalov, sem hefur áður sætt refsi­að­gerðum af Banda­ríkj­unum vegna tengsla hans við mála­liða­her­inn, verið nefndur sem einn af þremur flug­mönnum vél­ar­innar.

„Einka­flug­vél sem fljúga átti frá Moskvu til Sánkti Pét­urs­borg, hrap­aði til jarðar,“ sagði í rúss­neska rík­is­sjón­varp­inu TV Rossiya24. „Tíu lét­ust. Yevgeny Prigozhin var meðal far­þega.“

Hægt var að greina núm­erið 795 á flaki vél­ar­innar, sem passar við númer flug­vélar í eigu Prigozhin. Hins vegar hafa and­látin ekki feng­ist stað­fest ann­ars­staðar.

Var önnur flugvél á svæðinu?

Vitni segj­ast hafa séð aðra flug­vél sem teng­ist Wagner-hópnum, sikksakka yfir sama hér­aði, 96 kíló­metrum frá höf­uð­borg­inni. Og nú segja heim­ild­ar­menn nánir Prigozhin að þótt að flug­vélin sem hrap­aði á föstu­dag­inn hafi verið í eigu hans, flygi hann oft­ast með hinni flug­vél­inni.

Orðrómur er nú á kreiki um að þarna hafi Prigozhins falsað eigin dauða. Stríðs­herr­ann hafði snar­aukið öryggi sitt og látið lítið fyrir sér fara síðan hann fór í útlegð í Belarús.

Gæti Prigozhin hafa sett andlát sitt á svið?

Keir Giles, með­limur hug­veit­unnar Chatham House, var­aði fólk við hugs­an­legum blekk­ingum: „Það hefur verið gefið út að far­þegi að nafni Yevgeny Prigozhin hafi verið um borð í flug­vél­inni – en það er einnig vitað að fjöldi ein­stak­linga hafa breytt nafni sínu í Yevgeny Prigozhin, í til­raun til að fela slóð sína er hann ferð­ast. Við skulum ekki vera hissa ef hann poppar upp fljót­lega í mynd­skeiði frá Afríku.“

Hvað gerist næst?

Putin hefur ekki enn gefið út opin­bera yfir­lýs­ingu vegna atviks­ins og ekki er vitað hver næstu skref hans verða en í ljósi þess að flestir sem lét­ust í slys­inu eru taldir hafa verið hátt­settir Wagner-liðar, hefur ógnin sem stafar að for­seta­stól hans, minnkað til muna.

Mála­liðar úr röðum Wagner segj­ast nú und­ir­búa hefnd­ar­að­gerðir. Í til­kynn­ing frá Wagner, sem birt­ist í The Sun sagði: „Við segjum það beint út að okkur gruni að yfir­völd í Kreml, með Putin fremstan í flokki, hafi gert til­raun til að drepa hann!“ Bættu þeir við: „Ef dauði Prigozhin verður stað­festur, munum við skipu­leggja aðra göngu til Moskvu!“ Þá hafa vopn­aðir menn, sem segj­ast vera í Wagner-hópnum, deilt mynd­skeiði á net­inu þar sem þeir segja meðal ann­ars: „Næstu skref Wagner eru mikið rædd um þessar mundir. Við getum sagt ykkur eitt. Við erum að byrja, verið til­búin.“

Frétt þessi var unnin upp úr frétt The Mirror.