Apaspil hjá Helga Björns: „Geggjaður að kveikja á stuðgírnum“

Einn dáð­asti söngv­ari lands­ins mun syngja á veit­inga­staðnum Monkeys.

Helgi Björns­son, stór­söngv­ari og leik­ari, mun laug­ar­dag­inn 9. sept­em­ber syngja í „brunch“ á veit­inga­staðnum Monkeys. Mannlíf heyrði í Gunnari Rafni Heið­ars­syni, eig­anda Monkeys, til að grensl­ast fyrir um ástæður við­burð­ar­ins.

„Við erum með svona „bubblu-brunch“ hjá okkur um helg­arnar þar sem við erum með fimm rétta „brunch“ mat­seðil og þú getur tekið botn­lausar „bubblur“ með og það er búið að gefa sig rosa vel fyrir okkur, mjög vin­sælt. Fólk fer syngj­andi glatt héðan út,“ sagði Gunnar um málið en veit­inga­stað­ur­inn hefur á stuttum tíma orðið einn af virt­ustu veit­inga­stöðum lands­ins. Nú stendur hins vegar til að breyta aðeins til hjá staðnum.

„Nú ætlum við að skipta um mat­seðil með haustinu og aðeins breyta hug­mynda­fræð­inni í matnum og ákváðum að gera eitt­hvað skemmti­legt í leið­inni og sjá hvernig það kemur út,“ en af hverju varð Helgi Björns­son fyrir val­inu frekar en ein­hver annar?

„Hann er geggj­aður að kveikja á stuð­gírnum í breiðum hópi, það er þess vegna sem okkur datt hann í hug. Hann er mjög spenntur fyrir þessu og ætlar að taka vítt program. Hann verður eitt­hvað á rólegu nót­unum og svo eitt­hvað af stuð­inu og stemm­inguni.“

„Þetta verður til að byrja með bara þessi eina helgi og við ætlum að fá til­finn­ing­una fyrir þessu. Mig lúmst grunar það að þetta verði ekki eina helgin,“ svar­aði Gunnar um hvort þetta yrði reglu­legur við­burður á staðnum en sjálfur er Gunnar mik­ill Helga aðdá­andi.

„Núna upp á síðkastið þá er það Land Roverinn,“ sagði Gunnar um hans upp­á­halds Helga lag. „Það er svona bar­flugu­stemm­ing í því, að koma sér í gang. Hvort sem maður er að koma sér í fríið eða fara gera eitt­hvað skemmti­legt.“