Bjórungi sást í Lundúnum í sumar en það er í fyrsta skipti í afar langan tíma.
Telja líffræðingar að um sé að ræða fyrsta bjórinn eða bifurinn eins og nagdýrið er stundum kallað, sem fæðist í Lundúnum í hundruði ára. Enfield-ráðið hóf átak árið 2022 sem fól í sér að koma bjórnum aftur í höfuðborgina eftir fjögur hundrað ára hlé.
Framtakið er hluti af víðtækari endurnýjun og náttúrulegri flóðastjórnunarverkefni.
Capel Manor-háskólinn mun, með aðstoð Beaver Trust-samtakanna, fanga hinn unga bjór og gera á honum ítarlega heilsufarsskoðun með sérhæfðum dýralækni. Mun dýralæknirinn einnig staðfesta kyn þess, sem á þessu stigi er enn óvitað.
Bjórar voru veiddir þar til þeir dóu út í Englandi en hafa nýverið verið komið fyrir á vissum svæðum landsins.
Rick Jewell, meðlimur umhverfisdeildar í Enfield-ráðinu sagði: „Dugnaður bjóranna við að búa til náttúrulegt votlendisvistkerfim mun hjálpa stórvægilega við flóðavarnir, verja nærumhverfið og hundruði heimila frá flóðum niðurstreymis til suðausturhluta hverfisins, og á sama tíma ýta undir líffræðilegan fjölbreytileika.“
Dýrasöfnunarstjóri Capel Manor-háskólans, Meg Wilson sagði: „Við erum himinlifandi yfir þessum nýja íbúa. Við höfum séð þróunina hjá bjórunum og hversu mikið þeir hafa bætt votlendið. Nú erum við að einbeita okkur í að safna gögnum, sem við vonum að muni sýna fram á jákvæð áhrif bjóranna á náttúruna.“
Fréttin er unnin upp úr frétt BBC.
Athugasemdir