Dómur Landsréttar í meiðayrðamáli Ingólfs Þórarinssonar tónlistarmanns gegn Sindra Þór Sigríðarsyni Hilmarssyni er afdráttarlaus. Fimm ummæli Sindra sem fólu í sér að Ingó veðurguð væri barnaníðingur voru dæmd dauð og ómerk og Sindra gert að greiða fórnarlambi sínu 900 þúsund krónur í bætur. Dómurinn er áfall fyrir Sindra sem var sýknaður í undirrétti. Hann þarf þó væntanlega ekki að hafa áhyggjur þvík auðmaðurinn Haraldur Þorleifsson lýsti því yfir við upphaf málaferlanna að hann muni borga fyrir alla þá sem Ingó lögsækir í þessu máli. Fari svo að dómurinn standi óhaggaður mun hann opna öðrum fórnarlömbum netníðinga leið til að sækja bætur.
Ásakanir á hendur Ingó komu frá nafnlausum konum sem báru hann þeim sökum að hafa farið yfir mörk þeirra. Ekkert málanna hefur orðið til þess að hann væri dæmdur og því ekkert til að byggja á um þá sekt sem dómstóll götunnar gerði honum. Meðal þeirra sem Ingó hefur lögsótt fyrir róg er baráttukonan undeilda, Edda Falak sem birti lögregluskýrslu um að Ingó hefði hrækt framan í konu. Umræðan öll um barnaníð og ofbeldi kostaði tónlistarmanninn lifibrauð sitt og æru.
Ekki er ljóst hvort Hæstiréttur taki málið fyrir. Til þess þarf áfrýjunarleyfi þar sem skaðabætur eru undir mörkum. Viðbúið er, að óbreyttu, að Veðurguðinn eigi eftir að velgja fleirum undir uggum með lögsóknum …
Athugasemdir