Ungur áhrifavaldur lést í fitusogsaðgerð: „Ég er sundurtættur og upplifi mína verstu martröð“

Brasil­ísk raun­veru­leika­stjarna lést í vik­unni í miðri fegr­un­ar­að­gerð.

Luana Andrade, raun­veru­leika­stjarna og áhrifa­valdur frá Brasilíu varð fyrir gríð­ar­miklu lungna­sega­reki er hún gekkst undir fitu­sogs­að­gerð í Sao Paulo, sam­kvæmt til­kynn­ingu frá sjúkra­hús­inu. Hún var aðeins 29 ára gömul.

Tveimur og hálfum tímum eftir að aðgerðin hófst fór Andrade í hjarta­stopp og var end­ur­lífguð af heil­brigð­is­starfs­fólki, sam­kvæmt yfir­lýs­ing­unni sem þýdd var úr portú­gölsku. Þegar rann­sókn leiddi í ljós að hún hafi orðið fyrir gríð­ar­legri sega­myndun – sem er þegar blóð­tappi lokar blá­æðum eða slag­æðum, var hún flutt á gjör­gæslu­deild. Þar lést hún um klukkan 5:30 um morg­un­inn.

Sjúkra­húsið sagði að dán­ar­or­sök hennar hafi verið stór­fellt lungna­sega­rek, sem er algeng­asta dán­ar­or­sök þeirra sem lát­ast í fitu­sogs­að­gerð. Venju­lega mynd­ast blóð­tappi fyrst í löpp­inni og stíflar flæði blóðs til lungn­anna.

Andrade varð fræg er hún var í raun­veru­leika­þátt­unum Powe Couple Brazil 6, árið 2022. Tók hún þar þátt ásamt kærasta sínum, João Hadad. Sem áhrifa­valdur var hún með um hálfa milljón fylgj­enda á Instagram.

Í kjöl­far hins skyndi­lega and­láts, birti Hadad ljós­mynd á Instagram, sem sýnir parið í París. „Ég er sund­ur­tættur og upp­lifi mína verstu martröð. Partur af mér er far­inn,“ skrif­aði hann við mynd­ina. „Það er með gríð­ar­legri sorg og miklum sárs­auka í hjarta mínu, sem ég kveð Luana mína, prinsess­una mína, fal­legu mína.“ Og hann hélt áfram: „Við vorum hlið við hlið í tvö ár og engin orð geta lýst því hversu ham­ingju­samur ég var … við bjuggum til fal­lega sögu og upp­lifðum drauma okkur af ákefð. Auk þess að vera kærasta, ertu og verður þú ávalt maki handan lífs, ástin mín.“

Segist Hadad mögu­lega aldrei ná að vinna úr dauða hennar og deildi með fylgj­endum hversu mikið hann sakni hennar. „Þú ert ljósið mitt, prinsessa. Ég bið þig um að vaka áfram yfir mér og öllum okkar, að ofan. Ég mun alltaf elska þig, héðan í frá til eilífðar! Þakka þér svo mikið fyrir, þú munt fylgja með þar til yfir líkur.“

Í síð­asta mán­uði fagn­aði parið tveggja ára sam­bands­af­mæli sínu. Af því til­efni birti hún fal­leg skila­boð til Hadad: „Hver dagur við hlið þér fékk mig til að sjá hvað það er gott að búa með þér, draumar þínir urðu mínir líka, og ég átt­aði mig á að hver draumur við hlið þér, er svo góður! Allt virð­ist mögu­legt þegar við erum saman… Fyrir utan að vera minn helsti stuðn­ings­maður, þá er hann minn stærsti áðdá­andi, besti vinur! Ég er þakk­lát Guði fyrir að láta okkur mæt­ast á lífs­leið­inni.“