Hinn frægi sjáandi, Baba Vanga kom með marga spádóma fyrir árið 2024, þar á meðal um hræðilega hryðjuverkaárásir og banatilræði í Rússlandi.
Hin svokallaða Nostradamus Balkansskagans spáði að heimsleiðtogar verði myrtir í launsátri á næsta ári og að árásir verði gerðar með efnavopnum. Vangelia PAndeva Gushterova, sem þekkt er sem Baba Vanga var sjáandi frá Búlgaríu sem snemma fór að koma með skuggalega nákvæmar spár. Hún rakti ótrúlega krafta sína til hvirfilbyljar sem blindaði hana en þjóðarleiðtogar á borð við búlgarska keisarann Boris III og sóvíeska leiðtogann Leonid Brezhnev eru sagðir hafa leitað ráðgjafar hjá henni. Eftir dauða hennar árið 1996 hafa þeir sem trúa á hana haldið áfram að lesa í spár hennar um framtíðina. Fylgjendur hennar segja hana hafa meðal annars spáð fyrir því að rússneski kafbáturinn Kursk myndi sökkva, andláti Díönu prinsessu, árásirnar 11. september í New York og Covid-19 heimsfaraldrinum.
Og nú að spám hennar fyrir 2024. The Express segir frá því að Baba Vanga hafi spáð því að Vladimir Putin Rússlandsforseti verði myrtur af „samlanda sínum.“ Á meðan stríðið í Úkraínu heldur áfram, mun dauði leiðtoga Rússlands steypa heiminum í enn meiri óvissu. Þá varaði hún einni við hryðjuverkaárásum víða um Evrópu og talaði um að ónafngreint „stórt land“ myndi gera efnavopnaárásir árið 2024, samkvæmt sumum túlkunum á spám hennar.
Þá spáði hinn blindi sjáandi því að gríðarstór efnahagskreppa skeki heiminn árið 2024. Sagði hún að hækkandi skuldastig og vaxandi geopólitísk spenna eigi á hættu að steypa hagkerfi heimsins í glundroða. Aukreitis spáði Baba Vanga versnand loftslagi með nokkrum skelfilegum veðuratburðum sem valda usla allt árið. Og ef þetta er ekki nóg þá spáði hún einnig fyrir netárásum sem myndu einnig steypa heiminum í hættu og auknum árásum á mikilvæga innviði eins og raforkukerfi og vatnshreinsistöðvar.
En Baba Vanga kom ekki aðeins með dómsdagsspár fyrir hið nýja ár því nokkrar jákvæðar spár kom sú gamla með. Sagði hún að nýjar meðferðir við hrikalegum sjúkdómum eins og Alzheimer og krabbameini komi fram á sjónarsviðið á næsta ári, auk mikillar tæknibyltingar í skammtafræði. Ef horft er framyfir næsta ár sagði Baba Vanga að hungur í heiminum myndi enda árið 2028, áður en kommúnisminn snéri aftur árið 2076. Þá myndu mennirnir loksins ná árangri með tímaflakk árið 2304.
Spám hennar ber þó að taka með fyrirvara en hún hafði spáð að árið 2023 myndi skelfilegur sólstormur skella á plánetunni, sem og kjarnorkuefnavopnaárás. Þegar aðeins nokkrir dagar eru eftir af árinu verður að teljast ansi ólíklegt að þær spár rætist. Þá fullyrti hún líka að heimurinn yrði hulinn myrkri eftir innrás geimvera í einni af sýnum hennar fyrir árið 2022. Einnig sagði hún að sporbraut jarðarinnar gæti breyst og þannig myndi loftslag á jörðinni breytast gríðarlega.
Athugasemdir