Játaði í kveðjubréfi að hafa myrt ungabarn og föður þess nokkrum dögum fyrir fjöldamorðið

Árás­armað­ur­inn sem réðst inn í Univerzita Karlova í Prag í Tékk­landi þann 21.des­em­ber síð­ast­lið­inn skrif­aði kveðju­bréf sem lög­regla fann á heim­ili hans. Árás­armað­ur­inn, David Kozak (24) skaut fjórtán til bana í háskól­anum en fyrir árás­ina myrti hann einnig föður sinn. Í bréf­inu sem David skildi eftir kemur fram að hann beri ábyrgð á dauða karl­manns og unga­barns sem voru skotin til bana í nær­liggj­andi skóg­lendi þann 15.des­em­ber. Fórn­ar­lömb hans voru því sautján tals­ins.

David var á löngum lista yfir þá sem voru grun­aðir um morðið á feðgin­unum en lög­regla hefur sagt harma það að hafa ekki náð að ræða við hann áður en hann fór í háskól­ann. 25 manns særð­ust í skotárásinni en sam­fé­lagið er enn í áfalli vegna ódæð­is­ins. Þá hefur Vit Rakusan inn­an­rík­is­ráð­herra skorað á alla bæj­ar­stjóra lands­ins að sleppa fyr­ir­hug­uðum flug­elda­sýn­ingum þann 31.des­em­ber vegna harm­leiks­ins.