Ahmed biðlar til ríkisstjórnarinnar: „Ég vona að þið sjáið mig sem manneskju sem misst hefur allt“

Ahmed Al-Mamlouk, Palest­ínu­maður sem hefur fengið neitun um hæli hér á landi, biðlar til yfir­valda, um að sýna sér miskun og leyfa honum að hefja nýtt líf. Hann missti alla fjöl­skyldu sína í sprengju­árás Ísra­els­hers í des­em­ber.

Maðurinn sem Mannlíf tók við­tal við fyrir nokkru, Ahmed Al-Mamlouk, er í afar slæmri stöðu hér á landi. Ekki missti hann aðeins öll fjögur börn sín og eig­in­konu í sprengju­árás Ísra­els­hers á Gaza-borg í des­em­ber, heldur hefur hann í þrí­gang fengið neitun um hæli hér á landi og á yfir höfði sér að vera sendur úr landi á hverri stundu.

Sjá einnig: Ahmed missti öll börn sín í sprengju­árás: „Pabbi, hvenær getum við spilað fót­bolta á Íslandi?“

Í gær fékk Ahmed þær hræði­legu fréttir að bróð­ur­sonur hans, Adam, hafi verið drep­inn í sprengju­árás Ísra­el­hers í norð­ur­hluta Gaza en ekk­ert hafði heyrt frá honum í 50 daga en nú hefur sagt feng­ist stað­fest að hann hafi verið drep­inn. „Við ólumst upp saman, bjuggum saman. Hann var mér sem bróðir,“ segir Ahmed í sam­tali við Mannlíf. Enn­fremur segir Ahmed að for­eldrar hans og tvær systur séu nú föst í flótta­manna­búð­unum í Rafah í vest­ur­hluta Gaza en Ísraelar hafa verið að gera þar stór­felldar árásir síð­ustu sól­ar­hringa. „Pabbi hefur verið bund­inn við hjóla­stól frá 2018.“

Adam, frændi og upp­eld­is­bróðir Ahmed

Ahmed vill ekk­ert heitar en að fá að búa hér á landi, vinna og borga skatta til sam­fé­lags­ins og end­ur­byggja líf sitt. En staða hans er grafal­var­leg, búið er að synja honum um hæli í þrí­gang og getur hann því átt von á að vera sendur úr landi til Aust­ur­ríkis, á hverri stundu. Í Aust­ur­ríki bíður hans ekk­ert, hann hafði áður veirð þar í 14 mán­uði án þess að fá nokkra vinnu né aðra aðstoð. Í dag býr hann hjá íslenskri konu sem sá aumur á honum og leyfði honum að dvelja hjá sér. Áður en Ahmed fór í hið erf­iða ferða­lag frá Gaza fyrir fimm árum, starf­aði hann í sápu, sjampó og upp­þvotta­legs-mark­aðnum á Gaza.

Ahmed biðlar til rík­is­stjórnar Katrínar Jak­obs­dóttur um að miskuna sig yfir honum og leyfa að búa hér á landi. Skilaboð Ahmedar má lesa hér: „Ég virði ykkur fyrir að bjóða mér vel­kom­inn til lands­ins. Fyrir það þakka ég ykkur. Ég er sann­færður um rétt­læti ykkar og mannúð en ég þarfn­ast þess áður en ég verð rek­inn úr landi. Ég vona að ein­hver ein­bætt­is­manna komi sögu minni og þján­ingu til rík­is­stjórn­ar­innar og þakka ég honum fyrir það. Ég vona að þið sjáið mig sem mann­eskju sem misst hefur allt. Sem föður sem hefur misst öll sín börn. Misst allt.“

Segist Ahmed í sam­tali við Mannlíf eiga von á því að vera hent úr landi á hverri stundu. „Ég lifi í stöð­ugum ótta. Ég býð bara heima og er hræddur. Ég fer út að versla og er hræddur.“