Gísli Örn Bjarnason, framkvæmdastjóri sölusviðs hjá Brimborg, steig fram í bílamáli Höllu Tómasdóttur, verðandi forseta Íslands, til að upplýsa að dyggiir viðskiptavinir fái gjarnan afslátt á borð við þann sem Halla fékk. Gísli Örn er gamansamur og sagði við Stöð 2 að nokkuð væri um að fólk færi fram á forsetaafslátt við kaup á umræddum Volvo-rafmagnsbíl. Þannig hefði fyrrverandi forseti Nemendafélags Menntaskólans við Hamrahlíð, krækt sér í afsláttinn.
Halla hefur ítrekað sagt að ekki hafi verið veitt leyfi fyrir birtingu myndarinnar. Flestir sjá þá yfirlýsingu sem klaufalegt yfirklór og stórslys ef litið er til almannatengsla. Gísli Örn staðfesti að ekki hafi verið beðið formlega um leyfi fyrir myndbirtingunni. Hann hæðist svo að Höllu og spyr þeirrar sjálfsögðu spurningar hvað hún hafi verið að hugsa með því að pósa með Agli Jóhannssyni, forstjóra Brimborgar.
„Hún verður svo að svara því hvað hún reiknaði með að yrði gert við myndina“ segir Gísli Örn.
Brimborg hefur stórgrætt á öllu uppnáminu á meðan Halla situr uppi með skellinn. Nú vita flestir Íslendingar hvaða fyrirbæri Volvo EX30 Ultra LR RWD er …
Athugasemdir