Fjórir farþegar en enginn bílstjóri þegar löggan birtist – Drukkinn rafskútumaður flaug á höfuðið

Lög­reglu­menn þurftu að taka á honum stóra sínum þegar þeir komu að manni sem gekk ber­serks­gang. Ber­serk­ur­inn reynd­ist vera óvið­ræðu­hæfur þegar búið var að yfir­buga hann. Grunur er um að hann hafi verið undir ann­ar­legum áhrifum. Maðurinn var læstur inni í fanga­klefa í þágu rann­sóknar máls hans.

Lögregla sinnti tveimur útköllum þar sem óvel­komnu og ölv­uðu fólki var vísað á brott.

Tveir öku­menn bif­reiða voru stöðv­aðir. Báðir óku þeir tals­vert yfir leyfi­legum hámarks­hraða. Annar á 139 km/klst. þar sem leyfi­legur hámarks­hraði er 80 kíló­metrar á klukku­stund. Hinn var á 140 kíló­metra hraða. þar sem leyfi­legur hámarks­hraði er 80 kíló­metrar á klukku­stund. Málin afgreidd á vett­vangi.

Bifreið stöðvuð í akstri og öku­maður grun­aður um akstur undir áhrifum ávana- og fíkni­efna. Einnig grun­aður um að aka ítrekað án þess að hafa öðl­ast öku­rétt­indi. Ökumaður laus að lok­inni blóð­sýna­töku. Hann fær sekt upp á rúm­lega 200 þús­und krónur.

Tilkynnt var um umferð­ar­slys þar sem aðili féll á raf­skútu. Grunur er um að hann hafi verið drukk­inn. Hinn fallni reynd­ist vera með höf­uð­á­verka og var fluttur á sjúkra­hús til frek­ari skoð­unar.

Lögregla sinnti til­kynn­ingu um sam­kvæm­is­há­vaða. Nátt­hrafn­arnir lof­uðu að lækka í græjum sínum.

Óskað eftir aðstoð lög­reglu vegna þjófn­aðar í verslun. Málið afgreitt á vett­vangi. Ökumaður var stöðv­aður, grun­aður um akstur undir áhrifum fíkni­efna. Einnig etr hann grun­aður um vörslu fíkni­efna. Hann var læstur inni í fanga­klefa í þágu rann­sóknar máls­ins.

Lögregla hafði afskipti af aðila sem svaf inni í bif­reið. Við nán­ari skoðun reynd­ist bif­reiðin vera á röngum skrán­ing­ar­núm­erum.

Bifreið var stöðvuð í akstri á svæðí Kópa­vogs­lög­reglu. Öku­mað­ur­inn er grun­aður um akstur undir áhrifum ávana- og fíkni­efna. Einnig grun­aður um það lög­brot að aka ítrekað sviptur öku­rétt­indum. Þá voru skrán­ing­ar­merki fjar­lægð af bif­reið­inni þar sem ekki hafði verið staðið skil á vátrygg­ingu. Öku­mað­ur­inn var lát­inn laus eftir að dregið hafði verið úr honum blóð.

Bifreið stöðvuð í akstri við almennt umferð­ar­eft­ir­lit. Þegar lög­regla kom að bif­reið­inni, og ætl­aði að gefa sig á tal við öku­mann, sat eng­inn undir stýri. Fjórir voru í bif­reið­inni og kvaðst eng­inn þeirra kann­ast við að hafa ekið bif­reið­inni. Vopn fund­ust í bif­reið­inni. Allir máls­að­ilar hand­teknir, grun­aðir um að aka undir áhrifum áfengis og fíkni­efna. Þá eru þeir grun­aðir um sölu og dreif­ingu fíkni­efna og vopna­laga­brot.