Saki gefur út plötuna Dauðvona: „Ferlið mjög erfitt en á sama tíma mjög lærdómsríkt og gefandi“

Tón­list­ar­mað­ur­inn Ísak Dagur Krist­jáns­son, sem ber sviðsnafnið Saki, gaf út níu laga plötu í byrjun októ­ber sem ber heitið Dauðvona. Segir hann að platan sé end­ur­komu­saga.

Mannlíf heyrði í Ísak af til­efni af plötu­út­gáf­unni og spurði hann út í gerð plöt­unnar og hvaða mein­ingar séu að finna á henni.

Ísak: „Platan hefur verið í vinnslu hjá mér síð­ast­liðna 18 mán­uði og er ég búinn að setja hana þannig upp að hún segir ákveðna end­ur­komu­sögu, frá því að vera á rangri leið (lagið Dauðvona), yfir í að sjá réttu leið­ina áfram og skipta um stefnu. Lögin hafa öll sína sögu og eru sum lög á plöt­unni svo­lítið þung og drunga­leg en aftur á móti koma lög sem gefa hlýju og hægt er að syngja með.“

En af hverju heitir platan Dauðvona?

„Ég skýrði plöt­una Dauðvona eftir fyrsta lag­inu sem ég gaf út, en þetta lag gefur ákveðna inn­sýn í hug­ar­farið á bak við plöt­una. Þessi plata/saga er um erf­ið­leika, brostnar vonir, bar­áttu og að lokum frelsið sem kemur þegar maður breytir við­horfi og maður sigrar von­leysið.“

Ísak segir gerð plöt­unnar hafa verið mjög erfið en lær­dóms­rík.

„Ferlið hefur verið mjög erfitt en á sama tíma mjög lær­dóms­ríkt og gef­andi. Mig hefur langað að gef­ast upp og hætta alveg við þetta verk­efni margoft, en ég lagði of mikið undir til að geta hætt við. Ég er mjög sáttur við útkom­una og hlakka til að taka næsta skref reynd­ari en áður.“

Hægt er að hlusta á plöt­una í heild sinni á Spotify.