Mikill óróleiki hefur verið í Sjálfstæðisflokknum í Suðvesturkjördæmi vegna Jóns Gunnarsson alþingismanns sem var afgreiddur út úr pólitík þegar valið var á lista Bjarna Benediktssonar og varaformanninum, Þórdísi Kolbrúnu Reykfjörð Gylfadóttir plantað í annað sætið á lista sem Jón vermdi áður og vildi fá aftur. Málið allt er litað af svikum formannsins við Jón sem hefur verið sannur bandamaður Bjarna. Jón hefur verið þögull eftir hrakfarnirnar og það lá í loftinu að hann vær á leið í framboð fyrir Miðflokkinn eða myndi allavega stíga frá borði með reisn.
Í gær var fengin niðurstaða í mál Jóns sem þykir hafa verið litríkur í störfum sínum. Fjallið tók jóðsótt og það kom mús. Jón verður í fimmta sæti sem þykir vera nánast vonlaust að nái inn á þing. Þá tilkynnti Bjarni um þá upphefð Jóns að hann verður útsendari formannsins í Matvælaráðuneytinu og muni beita sér þar á næstu vikum.
Mögulegt er að Jón muni taka sér frí frá störfum sem þingmaður til að sinna umræddum verkefnum. Líklegt þykir að hann hafi einnig loforð í erminni um að fá vegtyllu ef svo vill til að Bjarni verði í næstu ríkisstjórn. Slík mál hafa áður verið reifuð …
Athugasemdir