Átta ár frá frægum pistli Sönnu um fátækt: „Svona er lífið, fer oft með mann einhverja óvænta leið“

Sanna Magda­lena Mörtu­dóttir rifjar upp frægan pistil hennar um fátækt sem birt­ist fyrir átta árum.

Sós­í­alista­stjarnan Sanna Magda­lena end­ur­birti í kvöld átta ára gamlan pistil sem hún skrif­aði en þar sagði hún frá því hvernig það var að alast upp í fátækt. Segist hún aldrei hefði geta ímyndað sér það fyrir átta árum síðan að hún myndi bjóða sig fram til Alþingis en seg­ist vona að fólk velj­ist á þing sem „okar ekki aug­unum gagn­vart mis­skipt­ing­unni hér á landi.“

Hér má lesa færsl­una:

„Það eru átta ár síðan ég skrif­aði þennan pistil um fátækt. Um upp­lifun mína sem barn og upp­lifun ungrar konu af því að alast upp í fátækt. Þetta gleym­ist ekki og er ástæðan fyrir því að ég fór út í stjórn­mál, að ég tek þátt í starf­inu með Sós­í­alistum. Af því að ég vil breyta ein­hverju og vil nota reynsl­una mína til þess. Hefði aldrei geta ímyndað mér fyrir átta árum þegar ég var að skrifa þennan pistil í rúm­inu mínu í stof­unni/svefn­her­berg­inu á stúd­enta­görðum og velta því fyrir mér hvort ég ætti að birta þetta, að ég yrði síðan í fram­boði til Alþingis. Svona er lífið, fer oft með mann ein­hverja óvænta leið. Ég vona að það velj­ist fólk inn á þing og í stjórn þessa lands sem lokar ekki aug­unum gagn­vart mis­skipt­ing­unni hér á landi. Sem lokar ekki aug­unum gagn­vart fátækt sem er stað­reynd á okkar ríka landi.“