Ung hárgreiðslukona fannst látin á skoskri eyju: „Við erum í miklu uppnámi“

Lík ungrar hár­greiðslu­konu hefur fund­ist á afskekktri skoskri eyju, en hún er talin hafa lent í „afar hörmu­legu slysi“.

Shanahan MacInnes, 28 ára, hvarf um klukkan 13:30 á föstu­dag­inn á Tindill Road svæð­inu í Balivanich á Benbecula-eyju, á Ytri Hebrides. Umfangs­mikil björg­un­ar­að­gerð hófst þar sem meira en 60 með­limir almenn­ings, lög­regla, strand­gæsla og neyð­ar­þjón­usta leit­uðu öll að kon­unni sem saknað var.

Þrátt fyrir mikla leit fannst lík hennar ekki fyrr en upp úr hádegi í gær.

Þegar síð­ast sást til hennar var hún klædd í vín­rauðan íþrótta­galla og hvíta æfinga­skó með svörtum Nike-merki. Fjöl­skylda hennar hafði birt færslu á sam­fé­lags­miðlum þar sem kom fram að hún hefði skilið eftir bíl sinn, tösku, síma, bíl og lykla og voru heima­menn hvattir til að vera á varð­bergi gagn­vart henni. Talið var að hún væri með önnur föt með­ferðis og gæti hafa skipt yfir í svartan North Face jakka og svarta æfinga­skó með gylltri sylgju.

Því miður lauk leit­inni með því að lík hennar fannst um klukkan 13:05 í gær á Aird svæð­inu í Benbecula. Andlát hennar er ekki talið hafa borið að með grun­sam­legum hætti en skýrsla verður lögð fyrir rík­is­sak­sókn­ara. Fjöl­skylda Shanahan sendi frá sér yfir­lýs­ingu á sam­fé­lags­miðlum þar sem hún sagði að hún væri „alger­lega miður sín og nið­ur­brotin“.

Hún hélt áfram: „Fráfall Shanahan var ákaf­lega hörmu­legt slys. Það var engum að kenna … Við erum í miklu upp­námi … Við værum þakk­lát ef hægt er að leyfa okkur að syrgja fal­legu elsku Shanahan okkar.“

The Shore Room Hair and Beauty, þar sem Shanahan vann, til­kynnti að það myndi loka stof­unni þar til annað verður til­kynnt. „Við kunnum að meta alla ást­ina og stuðn­ing­inn sem við höfum fengið á þessum tíma,“ skrif­uðu þau á Facebook. Skoska lög­reg­land sagði í yfir­lýs­ingu: „Um klukkan 13:05 sunnu­dag­inn 24. nóv­em­ber 2024 var lög­reglu­mönnum gert ljóst að lík konu hefði fund­ist á Aird svæð­inu í Benbecula. Formleg auð­kenn­ing á enn eftir að eiga sér stað, en fjöl­skyldu hinnar 28 ára Shanahan MacInnes, sem var saknað frá Balivanich, hefur verið látin vita. Andlátið er ekki talið grun­sam­legt og skýrsla verður lögð fyrir rík­is­sak­sókn­ara.“