Enn er tveggja hunda leitað á Austurlandi: „Það er sem jörðin hafi gleypt þá“

Tveir setter-hundar sem struku frá Djúpa­vogi þann 9. des­em­ber síð­ast­lið­inn, hafa enn ekki fund­ist, þrátt fyrir mikla leit fjöl­margra aðila á stóru svæði.

Settar-hund­arnir Luna og Stitch struku frá umsjón­ar­manni sínum 9. des­em­ber og til að byrja með tóku þeir stefn­una suður. Þetta kemur fram í Aust­ur­frétt. Síðast sást til þeirra á hlaupum í Geit­hella­dal þann 11. des­em­ber en síðan hefur ekk­ert til þeirra spurst.

„Það er sem jörðin hafi gleypt þá,“ segir Ólöf Rún Stef­áns­dóttir umsjón­ar­maður hund­anna í sam­tali við Aust­ur­frétt. Segist hún þó ekki vera búin að gefa upp von­ina um að finna þá félaga en mik­ill fjöldi til­bú­inn að aðstoða við leit­ina.

„Þetta hefur vakið mikla athygli og það af hinu góða því fleiri sem vita af leit­inni því betra. Það versta er að vita ekk­ert í hvaða átt þeir héldu frá Geit­hellum þar sem til þeirra sást síð­ast. Hvort þeir héldu sunnar eða fóru upp í fjöllin þaðan er alls óljóst. Það er þó ekki svo að öll nótt sé úti enn. Það er alveg þekkt að þessir hundar geta farið langar leiðir en samt skilað sér til baka. Þetta eru líka veiði­hundar svo að þeir eiga að geta fundið sér æti ef svo ber undir.“

Þá vill Ólöf koma kærum þökkum til þeirra sem hafa hjálpað við leit­ina að hund­unum frá fyrsta degi. Vonast hún til þess inni­lega að þeir finn­ist áður en jólin hefj­ast.

„Það væri hin allra besta jóla­gjöf.“