Ísraelski þingmaður gagnrýndi á dögunum harkalega fullyrðingar þingmanna um að börn Gaza séu hryðjuverkamenn.
Þingmaðurinn og Rabbíninn Gilad Kariv húðskammaði félaga sína á ísraelska þingsins fyrir ómannúðlega meðferð þeirra á Palestínumönnum á Gaza. Með því að leggja áherslu á fullyrðingar sínar um að engir Palestínumenn á hernumdu svæðunum séu saklausir, ekki einu sinni nýfædd börn, sagði Kariv að þeir væru að sverta Torah [mikilvægasta rit í Gyðingdómi] og grunninn sem Ísrael var stofnað á. „Vitið þið hver talaði svona?“ spurði hann. „Versti hatursmaður Ísraels. Þetta voru orðin sem komu út úr þeim.“
Meðal þess sem Kariv sagði í skammarræðu sinni var: „Í hvaða hefð Gyðingdómsins lærðuð þið þá grimmd sem fær ykkur til að standa í pontu á þinginu og fullyrða að á meðal 2,3 milljón Palestínumanna, sé ekki ein einasta manneskja saklaus? Hvenær átti þessi trúarlega, þjóðlega og siðferðislega stökkbreyting sér stað í samfélagi ykkar? Hvenær varð Gyðinga- og landfræðilega DNA ykkar svo sjúkt að þingmenn standi hér og fullyrði að meðal 2,3 milljón manna, sé ekki ein saklaus manneskja? Er nýfætt barn ekki saklaust?“
Ræðan vakti talsverða athygli á samfélagsmiðlunum en ekki eru allir sem hrósa Kariv, þar á meðal norski læknirinn og aðgerðarsinninn Mads Gilbert sem þykir hann koma of seint með þessar skammir en hann skrifaði við myndskeið af ræðunni á Instagram: „Of lítið, of seint“.
Hér má sjá skammarræðuna:
Athugasemdir