Forstöðumanni hjá Akureyrarbæ sagt upp eftir ásakanir um kynferðislega áreitni

Akur­eyr­ar­bær hefur sagt upp for­stöðu­manni umhverfis- og sorp­hirðu­mála en hún hefur verið í leyfi eftir að ásak­anir komu fram um kyn­ferð­is­lega áreiti á árs­há­tíð sem átti sér stað í fyrra. 

RÚV greinir frá þessu og segir að málið hafi verið í ferli hjá Akur­eyr­arbæ og að fleiri hafi stigið fram og sagt frá vafa­samri hegðun for­stöðu­manns­ins. Yfir­maður kon­unnar vildi ekki tjá sig við RÚV um upp­sögn­ina.

Sorp­hirðu­málin á Akureyri hafi verið í svið­ljós­inu að und­an­förnum eftir að bæj­ar­fé­lagið skipti út tunnum íbúa í fram­haldi þess að ný reglu­gerð um flokkun var sett. Mikil óánægja ríkir um slíkt hjá bæj­ar­búum sam­kvæmt RÚV. Þá var einnig greint frá því að barns­faðir for­stöðu­manns­ins, sem nú hefur verið sagt upp, hafi verið ráð­inn ráð­gjafi í end­ur­vinnslu­málum. Svið­stjóri umhverfis- og mann­virkja­sviðs lét hafa eftir sér að það hafi verið mis­tök að gerð í þeim málum vegna tengsla manns­ins við for­stöðu­mann­inn.