Böðvar Þorsteinsson yfirstýrimaður: Litla-Hraun sem sunnudagaskóli miðað við barnaskólann

Gestur Sjóarans er sjó­mað­ur­inn, kenn­ar­inn og fyrrum fanga­vörð­ur­inn Böðvar Þor­steins­son.

Böðvar sigldi bæði á frakt- og fiski­skipum en í landi starf­aði hann sem bæði kenn­ari og um stund sem fanga­vörður á Litla-Hrauni. Böðvar á langan feril til sjós að baki og segir meðal ann­ars frá því að hann hafi misst félaga þegar Dís­ar­fellið sökk, en Valdi Víðátta sem var gestur síð­asta þáttar lifði það slys af.

Hann líkir saman and­lega álag­inu sem fylgir því að vinna í barna­skóla ann­ars­vegar og sem fanga­vörður hins­vegar og hans mat er að eftir skóla­slitin þegar hann fór til starfa á Hrauninu hafi það verið eins og að kom­ast í sunnu­daga­skóla.

Spurður út í nýlegar nið­ur­stöður úr Pisa könn­un­inni segir hann að hann sé þannig þenkj­andi að það megi gera athuga­semdir við námskrá skól­anna og þess­háttar en fyrst þurfi að ein­blína á sam­fé­lagið og heim­ilin. Þegar hann var stjórn­ansi í barna­skóla telur hann að aðal slagur hans hafi verið heim­ilin og for­eldr­arnir. Hann bætir við að það hafi ekki verið allir en ansi margir. Sér­stak­lega hafi þetta verið snúið þegar kom að ein­elt­is­málum og þegar slík mál voru komin á það stig að for­eldr­arnir væru komnir í málið spurði hann sig að því hvort það væri ekki komið gott.

Þáttinn má sjá í heild sinni hér.