Brittany Fortinberry, 31 árs gamall kennari, er sökuð um að hafa misnotað nokkra drengi undir lögaldri, samkvæmt dómsskjölum birt hafa verið og hefur hún verið ákærð fyrir þónokkra glæpi.
Samkvæmt frásögn eins af meintum þolendum hennar urðu drengirnir að „vera með Scream-grímu“ og „þeir skiptust á á 15 mínútna fresti“ í kynferðislegum athöfnum sem stóðu yfir í marga klukkutíma, samkvæmt gögnum sem fjölmiðlar í Bandaríkjum hafa undir höndum.
Í febrúar sótti eiginmaður hennar, Nicholas Fortinberry, um skilnað frá henni en í byrjun mars komu fimm þolendur fram og sökuðu Fortinberry um að hafa misnotað þá kynferðislega.
Saksóknarar hafa lagt fram ákæru sem felur meðal annars í sér tíu ákæruliði fyrir kynferðislega misnotkun á barni, fimm ákæruliði fyrir að stuðla að afbrotum ólögráða einstaklings og einn ákærulið fyrir kynferðisbrot gegn ólögráða einstaklingi og bætist það við önnur brot sem hún var ákærð fyrir í febrúar.
Eftir handtöku hennar komu fleiri nemendur fram og sögðu frá því að Fortinberry hefði einnig misnotað þá, að sögn lögreglustjórans Chris Wright sem ræddi við USA Today á fimmtudag.
„Þegar nemendur komu fram og sögðu að þeir teldu sig mögulega hafa verið fórnarlömb sendum við upplýsingar þeirra áfram til rannsóknarlögreglumanns Morgan-sýslu sem sér um málið,“ sagði Wright. „Við sendum þessar upplýsingar um leið og við fengum þær.“
Athugasemdir