„Hættulegustu einstaklingar í lífum íslenskra kvenna eru hvítir íslenskir karlar“

Þor­steinn V. Ein­ars­son kynja­fræð­ingur skrif­aði færslu á Facebook-síðu sinni Karl­mennskan, þar sem hann talar um „karl­rembur og ras­ista“.

Á dög­unum sagði Mannlíf frá Instagram-story frá raf­tón­list­ar­mann­inum Brynjari Bark­ar­syni úr dúett­inum ClubDub, þar sem hann þótti sýna af sér kyn­þátta­hatur með hat­urs­orð­ræðu um múslima. Árið 2020 var hann einnig sak­aður um svipað en DV fjall­aði um málið á sínum tíma. Við færslur sínar skrif­aði Brynjar myllu­merkið #fyrstu­vel­heim sem er myllu­merki þeirra sem vilja senda hæl­is­leit­endur úr landi.

Í árskýrslu Stíga­móta fyrir árið 2024 kemur fram að mik­ill meiri­hluti þeirra sem fremja ofbeld­is­glæpi hér á landi eru íslenskir karl­menn, eða 75,6 pró­sent allra.

Tölfræði frá Stíga­mótumÍslenskir karl­menn fremja mun fleiri ofbeld­is­brot en erlendir karl­menn hér á landi.

Mynd: stigamot.is

Á þetta bendir Þor­steinn í færslu sinni sem hefst á eft­ir­far­andi hátt:

„Hættu­leg­ustu ein­stak­lingar í lífum íslenskra kvenna eru hvítir íslenskir karlar sem þær treysta. Makar, vinir, eig­in­menn og fyrr­ver­andi makar. Við breytum ekki þeirri stað­reynd með því að senda þá með fyrstu vél… ég veit ekki hvert. Ekki frekar en að senda brúna kyn­ferð­is­brota­menn upp í flug­vél.

Skjá­skotin og mynd­böndin sem fljúga þessa dag­ana af íslenskum karl­rembum og ras­istum er afleið­ing skað­legrar karl­mennsku og ábyrgð­ar­leys­is­menn­ingar sem grenjar hvað hæst undan woke-i.“

Og Þor­steinn heldur áfram:

„Allir (MEINTU MEINTU) ofbeld­is­menn­irnir sem voru til umfjöll­unar í öllum fjöl­miðlum, voru rannskak­aðir, kærðir og jafn­vel ákærðir eru lang­flestir mættir allir aftur. Drullu hressir og komnir með allt sitt aftur. Þætti, sam­starf, góðar stöður og MEINTU brotin þeirra eru bara á saka­skrá „woke-fas­ista sem hata karla“.“

Að lokum skrifar Þor­steinn um það sem hann kallar „ótrú­lega þver­sögn“, þar sem konur eru í öllum helstu valda­stöðum en samt elski fólk „karla sem hata konur og útlend­inga“.

„Við búum í ein­hverri ótrú­legri þver­sögn með konur í öllum helstu valda­stöðum og best í heimi í jafn­rétti en elskum karla sem hata konur og útlend­inga. Og við elskum að koma ger­endum undan ábyrgð af því við meikum ekki að verða hugs­an­lega mögu­lega óvin­sæl eða missa gigg eða tæki­færi eða eitt­hvað. Fokking sér­plægni, sér­hags­munarúnk og með­virkni er að skapa kjörað­stæður fyrir fasískan hægri flokk og öfga-verk ein­hvers hvíts sjomla sem telur konur stjórna öllu.“

Hér fyrir neðan má sjá færsl­una í heild sinni en þar birt­ast einnig texta­myndir þar sem farið er nánar í saumana á mál­inu.