Brynjar Barkarson, annar af raftónlistartvíeykinu ClubDub fer mikinn í Story á Instagram-reikningi sínum þar sem hann kallar innflytjendur sem aðhyllast Islam, „blóðsugur“ og hvetur fólk til að gera hvað sem þarf til þess að „losna við þetta lið“.
Raftónlistarmaðurinn Brynjar Barkarson birti frásögn móður frá Keflavík sem hún birti á Facebook þar sem hún segir frá því að erlendir menn um þrítugt hafi elt 17 ára dóttur hennar á bíl þar sem hún var á gangi. Segir hún dótturina hafa verið logandi hrædda og hafi að lokum flúið inn á hótel, sem hafi orðið til þess að mennirnir létu sig hverfa.
„Ég ætla segja svolitið eins og það er því ég veit að allir með eitthvað vit og hugrekki mun finnast mjög refreshing að lesa það bara nákvæmlega eins og það er þar sem mainstream media er með woke heilasjúkdominn eða of langt leidd í þessari glötuðu pælingu til að meika viðurkenna mistök og aðild því þau þurfa þá að viðurkenna ábyrgð á þessu ömurlega ástandi hér og í Evrópu leiðinni“. Þannig hefjast skrif Brynjars í Story á Instagram en við færsluna birtir hann myllumerkið #fyrstuvelheim (Fyrstu vél heim).
Því næst beinir Brynjar orðum sínum að múslimum og er óhætt að segja að textinn gæti flokkast undir hatursorðræðu.
„Hér og allstaðar i Evrópu er INNFLYTJENDA-VANDAMAL. Vandamálið er fólk úr þriðja heiminum og það aðhyllist islam. Þetta eru blóðsugur sem bera enga virðingu fyrir okkur, okkar siðum og menningu. Komin til að sjúga kerfið þurrt, nauðga og rífa kjaft. Og ef þú kæri lesandi ert ekki enn búinn að tapa glórunni í þessari woke geðveiki. Elskar fegurð, frelsi og öryggi. Í Evrópu sem var svo falleg og uppljómuð fyrir komu þessa fólks. Þá gerirðu allt sem í þínu valdi stendur til að losna við þetta lið með #fyrstuvelheim.“
Brynjar viðurkennir því næst að hann viti ekki smáatriði sem talað sé um í „þessari frétt“, en skilgreinir ekki hvaða frétt hann er að tala um, en að hann hafi fengið „nóg staðfest“ um „þessa minnihlutahópa (verðandi meirihluta)“ sem varði mjög ungar stelpur. Segir hann hug sinn vera með fórnarlömbunum og að hann vilji bara gera heimili og umhverfi fólks öruggara.
Að lokum tekur Brynjar fram að til sé múslimar sem búið hafa hér lengi og hafi aðlagast og bætt samfélagið og að það fólk fái ekkert nema ást. „Það er til gott fólk alls staðar, í öllum hópum en hlutfallið er ekki nógu gott til að við getum haldið áfram með þessa útlendingastefnu hér í Evrópu. Punktur.“
Athugasemdir