Á meðan Evrópubúar skemmtu sér konunglega yfir Eurovision í gær og gæddi sér á snakki og jafnvel eðlu, drap Ísraelsher 101 Palestínumann á Gaza.
Meðal þess sem Ísraelsher sprengdi í nótt var indónesíski spítalinn í norðurhluta Gaza.
„Skelfing og ringulreið hefur gripið um sig meðal sjúklinga, særðra og heilbrigðisstarfsfólks, sem hindrar að bráðaheilbrigðisþjónusta geti verið veitt,“ segir í yfirlýsingu Heilbrigðisráðuneytis Gaza.
Þar kemur einnig fram að tveir sjúklingar hafi slasast þegar þeir reyndu að yfirgefa spítalann, og að ísraelska umsátrið komi í veg fyrir að særðir geti komist að spítalanum á meðan drápin halda áfram.
Í yfirlýsingunni segir að Ísrael sé að herða kerfisbundna herferð sína gegn sjúkrahúsum, og minnt er á að árásirnar hafi einnig gert Evrópuspítalann í Khan Younis óstarfhæfan.
Hér fyrir neðan má sjá Tzippi Scott, þingmann ísraelska þingsins segja ískaldan sannleika þann 16. maí.
Hútar segja að þeir hafi gert árás á Ben Gurion-flugvöll í Ísrael
Yemenski uppreisnarhópurinn Hútar segist hafa skotið tveimur langdrægum eldflaugum á aðalflugvöll Ísraels, Ben Gurion við Tel Aviv, í því sem þeir kalla „gæðahernaðaraðgerð“.
„Aðgerðin náði markmiði sínu,“ segir í yfirlýsingu á Telegram-rás hópsins.
Ísraelski herinn sagði að langdræg eldflaug sem skotin var á Ísrael hafi verið skotin niður með góðum árangri um klukkan tvö að nóttu til að staðartíma og að viðvörunarflautur hafi heyrst víða um miðhluta Ísraels.
Hútar hafa haldið áfram að skjóta eldflaugum á Ísrael til að sýna samstöðu með Palestínumönnum á Gazasvæðinu, þótt þeir hafi samþykkt að hætta árásum á bandarísk skip.
Ísrael hefur einnig gert loftárásir á Jemen, þar á meðal 6. maí síðastliðinn, þegar árás skemmdi aðalflugvöll landsins í Sana og drap nokkra einstaklinga.
Athugasemdir