Biggi ekki lengur lögga

Birgir Örn Guð­jóns­son, oft­ast þekktur sem Biggi lögga, hefur til­kynnt á sam­fé­lags­miðl­inum Facebook að hann sé hættur í lög­regl­unni en hann hefur verið reglu­lega í fjöl­miðlum und­an­farin ár starfs­ins vegna.

Í færsl­unni segir Birgir að ákvörðun að fara í lög­reglu­skól­ann hafi verið skyndi­á­kvörðun. Það hafi ekki verið hans draumur og í raun úr hans „karakter“ að vinna slíka vinnu.

„Ég heill­að­ist engu að síður fljótt af starf­inu og þá sér­stak­lega þeirri hlið að fá tæki­færi að hjálpa og hafa áhrif á líf fólks, oft á þeirra erf­ið­ustu tímum í líf­inu. Ég hef alltaf verið mjög for­varn­ar­mið­aður í hugsun og starfið mitt í lögg­unni hefur lit­að­ist mjög af því. Ég hef meðal ann­ars tekið þátt í alls­konar for­varn­ar­verk­efnum, bæði hér­lendis og erlendis og meðal ann­ars komið að því að gera verk­lag og þjálfa lög­reglu­menn víðs­vegar um Evrópu. Upp á síðkastið hef ég svo verið rann­sókn­ar­lög­reglu­maður í mið­lægri kyn­ferð­is­brota­deild. Ástæðan fyrir því að ég valdi þá deild var einnig for­varn­ar­legs eðlis vegna þess hversu gíf­ur­leg áhrif kyn­ferð­is­brot hafa oft á líf fólks og fram­tíð.“

Hann hafi starfað sem lög­reglu­maður í 20 ára og nú sé komið gott og hann hafi fengið vinnu utan lög­regl­unnar.

„Þetta er spenn­andi starf þar sem ég er sann­færður um að reynsla mín komi að gagni auk þess sem það fellur algjör­lega að minni hug­sjón. Ég hef verið ráð­inn sem deild­ar­stjóri hjá Barna og fjöl­skyldu­stofu á nýju stuðn­ings­heim­ili sem við munum opna á næstu mán­uðum. Þetta er ótrú­lega spenn­andi starf í gíf­ur­lega mik­il­vægum mála­flokki sem hjarta mitt hefur alla tíð slegið fyrir. Sem betur fer er margt í gangi í mála­flokknum, enda þörfin mikil, og spenn­andi tímar framundan. Það eru því bæði for­rétt­indi og áskorun að fá að taka þátt í þeirri upp­bygg­ingu.“

Hann við­ur­kennir í færsl­unni að það sé skrýtið að skipta um starf eftir allan þann tíma sem hann hefur lagt í lög­regl­una og þá sér­stak­lega í ljósi þess að við­ur­nefni hans sé svo tengt starf­inu. Hann seg­ist þó virki­lega spenntur fyrir nýja vinnu­staðnum án þess þó að segja í hverju það felst.

„Ég er enda­laust þakk­látur fyrir allt það frá­bæra fólk sem ég hef unnið með í lög­regl­unni og ég hlakka til áfram­hald­andi sam­starfs. Það er nefni­lega engin stofnun eyland í þessum mála­flokki. Farsælt sam­starf er lyk­ill.“