Í gær birti lögreglan í Raleigh í Norður-Karólínu myndskeið úr búkmyndavélum lögreglumanna sem voru mættir á vettvang vegna heimilisofbeldis. Útkallið átti sér stað í janúar en tveir létust á vettvangi.
Konan sem hringdi á lögregluna beið hennar fyrir utan hús sitt og sagði lögreglunni frá því að kærasti hennar hafi verið skotinn af fyrrverandi eiginmanni hennar, Antonio Rodrigues. Sá hafði einnig lokað sig af inni í húsinu.
Eftir að nokkrir lögreglumenn fóru inn í húsið hófst skothríð á milli þeirra og Rodrigues, eins og sést í myndbandinu.
Lögreglan segir að eftir að skothríðinni lauk hafi Rodrigues verið látinn. Þá var lögreglumaðurinn Max Gillick einnig skotinn og lífshættulega slasaður. Hann var fluttur á sjúkrahús en var síðar útskrifaður þaðan og talið er að hann nái fullum bata.
Yfirvöld Wake-sýslu rannsökuðu málið og komust að þeirri niðurstöðu að viðbrögð lögreglu í hafi verið réttlætanleg.
Athugasemdir