Nýr formaður Samtaka atvinnulífsins, Jón Ólafur Halldórsson, sem tók við 16. maí síðastliðinn, er strax orðinn að skotspæni fylgisfólks ríkisstjórnarinnar.
Ástæðan er að Jón Ólafur tók afstöðu með útgerðinni í umræðum um veiðigjöld í Vikulokunum á Rás 1 um helgina. Vildi Jón Ólafur að stjórnvöld og sjávarútvegurinn ætti nánara samráð um málið og að veiðigjöldum yrði frestað fram á haust.
Jón Ólafur er reyndar þekktur fyrir vilja til samráðs. Hann tók þátt í stærsta samráðsmálið Íslandssögunnar, olíusamráðinu, á tíunda áratug síðustu aldar.
Sem framkvæmdastjóri markaðssviðs stórnotenda hjá Olís, Olíuverzlun Íslands, átti Jón í samskiptum við starfsmenn samkeppnisaðila „um hækkun á útsöluverði smurolíu og þörf þeirra á hækkun framlegðar af viðskiptum með smurolíur“, eins og lýst var í ákæru Ríkissaksóknara á hendur forstjórum olíufélaganna þriggja. Snerist samráðið meðal annars um að smyrja ofan á smurolíuna.
Athugasemdir