Yfirvöld á Kanaríeyjum ráðast í öryggisherferð eftir fjölgun drukknana

Rík­is­stjórn Kanarí­eyja hefur hleypt af stokk­unum umfangs­mik­illi vit­und­ar­vakn­ing­ar­her­ferð í kjöl­far fjölg­unar dauðs­falla af völdum drukkn­ana um eyja­kla­s­ann, sem nú eru fleiri en dauðs­föll í umferð­ar­slysum.

Samkvæmt nýj­ustu Kort­lagn­ingu vatns­slysa á Kanarí­eyjum, sem gefin er út af örygg­is­vökt­un­inni Canarias, drukkn­uðu alls 72 manns árið 2024 við 1.500 km strand­lengju eyj­anna, en til sam­an­burðar lét­ust 39 manns í umferð­ar­slysum á sama tíma­bili.

Á fyrri hluta árs­ins 2025 hafa nú þegar 29 drukkn­anir verið skráðar við strendur og sund­laugar, á meðan umferð­ar­slys hafa kostað 36 manns lífið, sem er skýr við­vörun nú þegar háanna­tími sum­ars­ins er að hefj­ast.

Ferðamenn í mestri hættu

Yfirvöld leggja áherslu á að erlendir ferða­menn séu í meiri­hluta þeirra sem drukkna, yfir 60% fórn­ar­lambanna, og flest slys ger­ast seinnipart dags á vökt­uðum svæðum.

Helsta orsökin? Gáleysi og að huns­anir við­var­ana. Um 70% drukkn­ana eiga sér stað á meðan gul við­vörun eða við­bún­að­ar­stig eru í gildi, sam­kvæmt Veð­ur­þjón­ustu neyð­ar­mála.

„Þú hefur plan, en hafið hefur sitt eigið“

Til að stemma stigu við þess­ari ugg­andi þróun hafa yfir­völd Kanarí­eyja sett í gang örygg­is­her­ferð á nokkrum tungu­málum undir slag­orð­inu: „Þú hefur plan, en hafið hefur sitt eigið.“

Markmið her­ferð­ar­innar er að efla virð­ingu fyrir haf­inu og stuðla að örugg­ari sund­venjum. Her­ferðin stendur til loka sept­em­ber og nær til sjón­varps- og útvarps­aug­lýs­inga, sam­fé­lags­miðla, aug­lýs­inga á flug­völlum og vegg­spjalda á spænsku, ensku og þýsku.

Farþegar sem koma til Kanarí­eyja munu strax á flug­völl­unum mæta þessum örygg­is­skila­boðum, mark­viss leið til að ná til ferða­manna eins snemma og hægt er.

Yfirvöld og sérfræðingar hvetja til varkárni

Her­ferðin var kynnt í neyð­ar­sam­hæf­ing­ar­mið­stöð­inni CECOES í Las Palmas de Gran Canaria af Manuel Miranda, ráð­herra skipu­lags­mála, ásamt Sebastián Quintana, for­stöðu­manni örygg­is­vökt­un­ar­innar „Canarias, 1.500 km de costa“, og Eduardo Blasco, heims­meist­ara í björg­un­ar­sundi og sjálf­boða­liða í alþjóð­legum björg­un­ar­leið­öngrum.

„Í fyrra tóku strendur okkar og sund­laugar fleiri manns­líf en veg­irnir,“ sagði Miranda. „Við verðum að end­ur­heimta virð­ing­una fyrir haf­inu.“

Hann hvatti bæði íbúa og gesti til að:

• Fylgjast með sjáv­ar­skil­yrðum, sjáv­ar­föllum og straumum.
• Virða við­var­anir á ströndum.
• Hlýða leið­bein­ingum björg­un­ar­sveita og sund­varða.
• Synda aðeins í vökt­uðum sund­svæðum.

Quintana tók í sama streng og sagði: „Þessi her­ferð er nauð­syn­leg til að bregð­ast við hinum háa fjölda banaslysa við vatn sem við sjáum ár eftir ár hér á Kanarí­eyjum.“

Ferða­mönnum sem hyggja á strand­dag eða vatns­í­þróttir er ein­dregið ráð­lagt að skoða opin­berar við­var­anir og aðstæður á ströndum dag­lega, og aldrei van­meta mátt hafs­ins, jafn­vel þótt sjór­inn virð­ist rólegur.

Canarian Weekly fjall­aði um málið.