Markmiðið að fá yfirsýn yfir aðstæður barna og þjónustuþörf þeirra

Mennta- og barna­mála­ráðu­neytið og Samband íslenskra sveit­ar­fé­laga, fyrir hönd sveit­ar­fé­laga lands­ins, munu ráð­ast í víð­tækt sam­starf um upp­bygg­ingu traustra gagna­inn­viða og staf­ræna þróun þvert á stjórn­sýslu­stig.

Er til­gang­ur­inn með þessu að tryggja sam­eig­in­lega yfir­sýn er varðar þróun og inn­leið­ingu staf­rænna lausna; upp­bygg­ingu gagna­inn­viða; til öfl­unar og nýt­ingu gagna í þágu far­sældar barna og auk­inna gæða í skóla- og frí­stunda­starfi.

Þeir Guð­mundur Ingi Krist­ins­son, mennta- og barna­mála­ráð­herra, og Jón Björn Hákon­ar­son, sem er for­maður Sambands íslenskra sveit­ar­fé­laga, und­ir­rit­uðu nýverið sam­komu­lag þess efnis.

Mark­miðið er fyrst og síð­ast að ná yfir­sýn yfir aðstæður barna og þjón­ustu­þörf þeirra og fjár­fest­ingu í aðgerðum í þágu barna með traustum gögnum og mæl­an­legum mark­miðum, er varpa ljósi á stöðu og far­sæld barna, og nýta til gagna­drif­innar stefnu­mörk­unar.

Umfang þess­arar gagna­söfn­unar er algjör­lega for­dæma­laus; nær til allra þjón­ustu­að­ila á vegum hins opin­bera þvert á stjórn­sýslu­stig.

Og með sam­komu­lag­inu sam­mæl­ast allir aðilar um sam­starf um skipu­lag gagna­mála, öflun, geymslu, vinnslu sem og deil­ingu gagna frá ólíkum þjón­ustu­stofn­unum sem varða mál­efni og vel­ferð barna.

Haft verður afar víð­tækt sam­starf við lyk­il­að­ila sem og aðila er starfa í þágu barna, til dæmis háskóla, stofn­anir, frjáls félaga­sam­tök og einka­að­ila er vinna að mál­efnum barna og mennta­fyr­ir­tækja.

„Það eru gleði­tíð­indi að ná fram þessum áfanga. Til að fram­farir ger­ist hratt þarf að geta skoðað gögn og ferli og haft yfir­sýn, því þurfum við víð­tækara sam­starf en verið hefur, að ná fólki saman og að allir séu sam­mála. Við viljum sjá hvar skór­inn kreppir til að geta brugð­ist hratt við og metið inn­grip. Sam­komu­lagið markar stórt skref í þessa átt og í sam­eig­in­legri veg­ferð ríkis og sveit­ar­fé­laga í staf­rænni þróun, börnum og skóla­kerf­inu til hags­bóta,“ segi Gruð­mundur Ingi Krist­ins­son, mennta- og barna­mála­ráð­herra.

Jón Björn Hákon­ar­son, for­maður Sambands íslenskra sveit­ar­fé­laga er ánægður með málið:

„Málefni barna, þar með talið fræðslu­mál, eru stærsti mála­flokk­ur­inn á vegum sveit­ar­fé­lag­anna. Þetta eru því stór og ánægju­leg skref í sam­starfi ríkis og sveit­ar­fé­laga við að ná yfir­sýn yfir mála­flokk­inn og styrkja grunn­stoðir í gagna­innviðum og staf­rænni þróun. Sam­komu­lagið markar mik­il­vægan áfanga í staf­rænum málum ríkis og sveit­ar­fé­laga sem munu gagn­ast okkur við að taka ákvarð­anir á fag­legum grunni og von­andi verða fleiri slík skref stigin með fleiri ráðu­neytum í sam­eig­in­legum málum.“

Í þeim til­gangi að fylgja sam­komu­lag­inu vel eftir mun verða skip­aður sam­eig­in­legur stýri­hópur með full­trúum frá mennta- og barna­mála­ráðu­neyt­inu og Sam­band­inu inn­an­borðs.

Stýri­hópur þessi skal gera til­lögu að sam­eig­in­legri yfir­sýn að fram­tíð teng­ingu grunna og sam­hæf­ingu tækni­legra staðla og gagna­inn­viða, ásamt því að for­gangs­raða upp­lýs­ingum sem tengj­ast börnum og nýt­ast í stefnu­mörkun á sviði skóla­mála og far­sældar barna.

Formaður hóps­ins verður Þorbjörg Helga Vig­fús­dóttir, en hún er ráð­gjafi mennta- og barna­mála­ráð­herra um staf­ræna þróun. 

Hópurinn skilar til­lögum sínum snemma á næsta ári, eða fyrir 1. febr­úar. Samhliða og til stuðn­ings vinnu stýri­hóps­ins, verður unnin kort­lagn­ing gagna sem opin­berir aðilar og stofn­anir safna með mark­vissum hætti og grein­ing á því hvernig þau nýt­ast eða gætu nýst í þágu barna og hvaða gögn vantar til að fá fram heild­ar­mynd.