Ætlar að verða fyrsti grínistinn til að segja brandara sem aðeins kettir skilja

Uppi­stand­ar­inn Stefán Ingvar Vig­fús­son, þekktur sem með­limur grín­flokks­ins VHS, snýr aftur á svið með nýja sýn­ingu þar sem aðeins eitt við­fangs­efni er í brennid­epli: kettir.

Sýningin ber heitið Brand­arar um ketti (og einn fyrir ketti) og fer fram sunnu­dag­inn 19. októ­ber klukkan 17:30 í Tjarn­ar­bíó. Stefán lofar sex­tíu mín­útna ein­leik þar sem hver ein­asti brand­ari fjallar á ein­hvern hátt um ketti.

„Ég ætla mér ekk­ert annað í þetta skiptið – engir aðrir brand­arar, bara kettir,“ segir Stefán í frétta­til­kynn­ingu.

Sýningin kemur í kjöl­far þess að Stefán og sam­býl­is­kona hans, Hólm­fríður María, vöktu mikla athygli í fyrra þegar þau fermdu kött­inn Lísu að húmjáníslum sið, einmitt í sama sal Tjarn­ar­bíós. „Á plaggat­inu er mynd af okkur Hófí og Lísu úr ferm­ing­unni, þar sem Lísa er í ferm­ing­ar­kufli sem tengda­mamma saum­aði á hana. Þetta var stór­kost­legur dagur,” rifjar hann upp.

Frá ferm­ing­unniGlatt á hjalla í ferm­ingu Lísu

Mynd: Aðsend

Auk brand­ara um ketti hyggst Stefán verða fyrstur íslenskra grínista til að flytja brand­ara sér­stak­lega sam­inn fyrir ketti. „Ég get ekki sagt neitt meira, en það verður einn brand­ari sem aðeins kettir munu skilja,“ segir hann og hlær.

Skemmtun og góðgerð

Fimmt­ungur af tekjum kvölds­ins rennur til Katt­holts. Stefán segir það skipta hann máli að sýn­ingin hafi bæði gleði­gildi og nyti jafn­framt katta sam­fé­lags­ins. „Ég lít reyndar á þetta á sem svo að ég sé borga kött­unum afnot­ar­gjald, þeir ráða svo sjálfir hvernig því er ráð­stafað í holt­inu þeirra.“

Miðasala er hafin á Tix.is og er sýn­ingin þegar nán­ast upp­seld.