Segir fanga hafa laumað sér í klefa Diddy með hníf

Fangi vopn­aður hníf komst svo nálægt Diddy að hann gat þrýst hnífnum að hálsi hans, segir besti vinur rapp­ar­ans í einka­við­tali við Daily Mail.

Charlucci Finney, æsku­vinur, segir að fangi vopn­aður hnífi hafi laumað sér inn í fanga­klefa Diddy í fang­els­inu Metropolitan Detention Center í Brooklyn, New York, og að hann hefði getað myrt Diddy í svefni.

„Hann vakn­aði við að hafa hníf við háls­inn,“ sagði Finney. „Ég veit ekki hvort hann barð­ist á móti eða hvort fanga­verðir komu, ég veit bara að þetta gerð­ist.“

Finney, sem hefur þekkt Diddy í meira en þrjá ára­tugi, telur að þetta atvik hafi verið við­vörun fremur en raun­veru­leg morð­til­raun.

„Ef þessi maður hefði ætlað að slasa hann, þá hefði Sean verið slas­aður. Það tekur aðeins sek­úndu­brot að skera háls með hníf og drepa mann,“ sagði hann en tók fram að hót­anir virki ekki á Diddy þar sem hann sé frá Harlem í New York.

Lögmenn Diddy bentu ítrekað á hætt­una á ofbeldi á meðan rétt­ar­höldum um man­sal stóð yfir