Simmi fer í meðferð

Athafna- og veit­inga­mað­ur­inn Sigmar Vil­hjálms­son er far­inn í með­ferð til að losa sig við áfeng­is­neyslu.

„Ég er að fara í með­ferð vegna áfeng­is­vanda sem hefur tekið of mikið pláss í lífi mínu og haft nei­kvæð áhrif á sam­skipti og ákvarð­anir síð­ast­liðin tvö ár,“ segir hann á sam­fé­lags­miðlum sínum.

„Áfengi er hætt að vera gleði­gjafi og ég hef notað það sem flótta­leið í stað þess að nálg­ast það af gleði og hvað þá hóf­semi. Flótta­leið­irnar með áfengi hafa verið marg­vís­legar og engar af þeim leiðum hafa verið far­sælar. Það hefur hvorki verið far­sælt né heilsu­sam­legt, og því er þetta skref bæði rétt og tíma­bært.“

Sigmar opnar sig um málið til að forð­ast kjafta­sögur. „Ég er að deila þessu með ykkur hér til að hlífa mínum nán­ustu frá því að verða upp­lýs­inga­full­trúar mínir næstu 6 vik­urnar og von­andi að koma í veg fyrir að það komi fram kjafta­sögur um mig sem mitt nán­asta fólk sér sig knúið til að leið­rétta.“

Hann stendur með ákvörðun sinni. „Ég er stoltur af þess­ari ákvörðun. Hún er tekin fyrir heils­una mína, mína nán­ustu og fram­tíð­ina.“

Þá sendir hann fyr­ir­fram þakkir fyrir stuðn­ing­inn. „Eina sem ég bið um er virð­ing fyrir einka­líf­inu á meðan. Og ég þakka af öllu hjarta fyrir stuðn­ing­inn sem mér verður eflaust sýndur.“

Sigmar vakti nokkra athygli þegar hann sagði frá því að hann hefði verið stöðv­aður af lög­reglu við akstur undir áhrifum.

Árið 2023 seldi hann Ölmu leigu­fé­lagi húsið sitt í Mos­fellsbæ. Hann hafði boðað að hann hefði ákveðið að lifa bíl­lausum lífs­stíl. Síðar sagði hann frá því að hann hefði stundað ölv­un­arakstur, granda­laus. „„Þetta er þannig, ég ætla ekki að segja að ég hafi talið þá, en þetta voru þrír til fimm bjórar á þriðju­dags­kvöldi heima hjá mér, og ég er að elda og fæ mér bjór yfir matnum, elda, borða og horfi á leik­inn. Við erum að tala um lít­inn dósa­bjór, ekk­ert mál, þannig var kvöldið,“ sagði hann, en kvöldið fór illa þegar varð­kerfi Securitas fór í gang í Mini­garð­inum og hann taldi sig knú­inn til akst­urs, grun­laus um að hann væri í ölv­unar­á­standi þegar hann var stöðv­aður á Miklu­braut­inni við reglu­bundið eft­ir­lit.

Nú er Sigmar hins vegar á beinu braut­inni.